နောက်မိုးတလင်း

နောက်မိုးတလင်း

လှုပ်တုန်နေတဲ့ ကျောခိုင်းမှုနဲ့
ငိုချင်နေတဲ့စိတ်ကို ဖုန်းဝှက်ထားပါ့မယ်
တချို့ပုံပြင်တွေက
လူတိုင်းကိုပြောပြစရာမလိုပါဘူး
မျက်လုံးတော်တော်များများ(ပေါင်းများစွာ)က
နီးနီးပဲကြည့်တယ်
တိမ်တိမ်ပဲကြည့်တတ်ကြတယ်
မှားယွင်းခဲ့တဲ့ငါ
အမြင်တိမ်တဲ့ငါ့ကိုယ်ငါကို
ပြန်မမြင်ခဲ့ဘူး

လွယ်ရှင်းတဲ့ ဘာသာစကားနဲ့
လေးပင်နေတဲ့စိတ်ကိုရှင်းမယ်
တချို့ ညစ်ညူးစိတ်တွေက
နားလည်တတ်တဲ့လူကိုပြောပြရမယ်လေ
နင့်မျက်ရည်ပူတွေက
ငါ့ကိုနင့်ထက်တောင်
ပိုလောင်ပူစေပါသေးတယ်
ငါကတိပြုပါတယ်
နောင်ကို ပိုရဲရင့် ပိုကြံ့ခိုင်တော့မယ်လို့

နောက်မိုးတလင်းကိုရောက်ရင်
အရင်တခါလက်ချင်းတွဲပြီးလျောက်ခဲ့ကြတဲ့
ပန်းခြံမှာ လမ်းလျောက်သွားရအောင်ဟာ
တချို့တိမ်တွေက သူ့ဘာသာ ပျယ်သွားတတ်ပါတယ်
နင့်ပခုံးက ငါ့အတွက်လုံခြုံတဲ့ကောင်းကင်ပေါ့
နောက်မိုးတလင်းကျရင်
ဟိုတခါ ပင်လယ်ကိုငါတို့သွားကြည့်တုံးက
နင်ခိုးရိုက်ထားတဲ့ ငါ့ဓါတ်ပုံလေ…
ငါ့ကိုပေးပါလားဟာ
လေအနှော့မှာ ဆော့နေတဲ့ ငါ့ဆံပင်တွေ
ဝဲပျံပုံကို ငါကြိုက်လို့ပါ
ဝေ့ဝှဲနေတဲ့ မိုးစက်တွေနဲ့အတူ
မမေ့နိုင်စရာ ပုံရိပ်တခုပေါ့

အချိန်က ငါ့ရဲ့ မှတ်ဥာဏ်တွေကို
လျော့ပါးစေပေမယ့်
တချို့အမှတ်တရတွေက
ဘယ်တော့မှဖျက်မရတဲ့
ထာဝရအတွက်ပါ
ငါ့ရဲ့အတ္တသေးသေးလေးနဲ့
မာနကိုခွင့်လွှတ်ပေးပါ
ဘာလို့လဲဆိုတော့
ငါ့ကိုအမြဲကာကွယ်ပေးဖို့
နင်…ရှိတယ်လေ

Claire
Next dawn

A Chen
5:59 am
23rd December 2009
Home
Bangkok

ကိုယ်ညာတော့ သူပြုံးနေတယ်

ကိုယ်ညာတော့ သူပြုံးနေတယ်

တလောက ရိုးသားတာ ဟန်မဆောင်တတ်တာ အကြောင်းတွေရေးထားတော့ ခုလိမ်တဲ့ညာတဲ့အကြောင်းလေးရေးချင်နေပါတယ်။ အဆိပ်ကိုပြန်ဖြေတဲ့သဘောပေါ့။ ရိုးသားတာက အဆိပ် လိမ်တာ ညာတာ ကဖြေဆေးနော်။ ပြောင်းပြန်မယူနဲ့။

ငယ်ငယ်တုံးက ကိုယ်က လိမ်တာ ညာတာ တော်တော်ဝါသနာပါပါတယ်။ ဘယ်လောက်အထိအောင်လဲဆိုတော့ လိမ်တာကို လိမ်လို့ လိမ်နေမှန်းတောင်မသိအောင်ပါပဲ။ နေအေးလိမ်နည်းကျေတယ်ပြောမလား (အမှန်တော့ဖတ်တောင်မဖတ်ဘူးဘူး) လိမ်တာကို တဖက်ကမ်းခတ်နေတယ် ဆိုပါတော့။ ခုမှပြန်စဉ်းစားကြည့်ပြန်တော့ အဲ့တုံးက လိမ်ခဲ့တာတွေက လိမ်တယ်မမည်လောက်ပါဘူးလေ။ အမှန်ကတော့ ကိုယ်ကပုံပြောကောင်းလွန်းတာပါ။ စိတ်ကူးအရမ်းကောင်းသလို အပြောလဲအရမ်းကောင်းခဲ့တယ်ပဲဆိုပါတော့။ အဲ့လိုနဲ့ ပဲ လူတွေအများကြီးကို ပုံပြင်တွေ အများ ကြီးပြောဖြစ်ခဲ့တယ်။ နောက် နည်းနည်း အသက်ကလေးရလာတော့မှ အမဲနဲ့ အဖြူ၊ အမှန်နဲ့ အမှား၊ အဆိုးနဲ့အကောင်းစတာတွေ နည်းနည်းလေးနားလည်လာတဲ့အခါမှ လူဆိုတာ အလိမ်အညာ ကင်းကင်းနဲ့ လူလုပ်နိုင်ရင် ပိုကောင်းတယ်ဆိုတာ တဖြည်းဖြည်း ပိုမို နားလည်သဘောပေါက်လာတာနဲ့အမျှ အဲ့ဒီအချိန်ကစပြီး အလိမ်အညာတွေ ပုံပြောတာတွေ လျော့ခဲ့တယ်။ နောက်ကျတော့လဲ တမျိုးပြန်စဉ်းစားမိပြန်တယ်။ မိန်းမတွေဟာ တခါတလေမှာ တော့တဘက်လူကို အရမ်းကြီးလဲ ထိခိုက်နစ်နာမှု မရှိဘူးဆိုရင် လိမ်တာ ညာတာ ပုံပြင်တွေ ဘာညာ ပါးပါးလေးတော့ ဖြူဖြူ စင်စင် ပြောလို့ရတယ်/ပြောလို့ သင့်တယ်ဆိုတာပါပဲ။

ယောက်ျားတွေကို ဒီလို လေးတွေ ပုံပြောလို့ရပါတယ်။ ဥပမာပေါ့နော်…

“ရှင်ဟာ ကျမတွေ့ဖူးတဲ့ယောက်ျား ဘသားတွေထဲမှာာ အတော်ဆုံးပဲ”

“အရင်ကဟာတွေအကုန်က အလကားပါ မောင်နဲ့တွေ့မှ ကျမက အချစ်ဆိုတာ ဘာလဲဆိုတာကို သူငယ်တန်းကနေစသိ၊ သင်ယူ၊ သဘောပေါက် လာခဲ့ရတာ”

“မောင်က ကျမရဲ့ ဒုတိယမြောက် ကြုံဆုံရတဲ့ ယောက်ျားပါ၊ နောက်ဆုံးတယောက်လဲဖြစ်တယ်”

“ရှင်က နမ်းတာ သိပ်တော်တာပဲ”

“ရှင်က သိပ်သန်မာတယ်နော်” (အမှန်ကတော့ နည်းနည်းလေးမဆိုစလောက် “ပု” နေတဲ့ လူ့ဖလန်လေးပါ)

“ရှင်က ရယ်စရာတွေ သိပ်ပြောတတ်တာပဲ၊ ဟာဒရဥာဏ် တော်တော်ရွှင်တယ်နော်…”
(အမှန်ကတော့ သူပြောတဲ့ ဟာသတွေက အေးစက်လွန်းလို့အိပ်မပျော်သွားအောင်၊ သူ့ရှေ့မှာ မ သန်းဝေ မိအောင် (ကြိယာပါ လူနာမည် နမ်မဟုတ်) တော်တော်သတိထားနေရတာ)

“ရှင့်ကိုကြည့်ရတာ တော်တော်လေးနနေသေးတယ်နော်” (အမှန်ကတော့ သူ့မျက်ခမ်းစပ်နားက ကျီးခြေထောက်က ပုရွက်ဆိတ် တကောင်ကိုတောင် သေသေချာချာ ညှပ် သတ်နိုင်နေပါပြီ)

မိန်းမတွေကိုကျတော့ ဒီလိုပြောနိုင်ပါတယ်……..

“ဒီနေ့ မင်းအရမ်းလှနေတယ်နော်” (အမှန်ကတော့ ဝတ်ထားတာက တုံးပြီး တိုက်ဂေါနေတယ်လို့ စိတ်ထဲမှာ ထင်နေတာပါ)

“ဟင် အသက်က အဲ့လောက်ရှိနေပြီလို့ လုံးဝ လုံးဝ မထင်ရဘူးနော်။ နုလိုက်တာ” (တကယ်က အရင်တခေါက်တွေ့တုံးကထက်တောင်အများကြီး ပိုအိုစာလာတာ)

“အပျိုကြီး၊ ကောင်းတာပေါ့ အပူမရှိဘာမရှိ အေးချမ်းလိုက်တာများနော်” (အမှန်ကတော့ ဘယ်ယောက်ျားကမှ သူ့ကို မကြိုက်တာ ကြာလှပေါ့)

ငယ်ငယ်တုံးကလိမ်တာ ညာတာတွေက မလိုအပ်ဘဲနဲ့ အလွယ် လိမ်တာညာတာပါ။ အမှားကို တာဝန်မယူချင်လို့ ရိုးရိုးလေး အလွယ် လိမ်လိုက် ညာလိုက်တာပါ။ အသက်ကလေးတွေရလာမှ လူ့ဘဝမှာ တခါတလေ လိမ်တာ ညာတာလေးတွေ သုံးလိုက်ရတဲ့ အချိန်လေးတွေ အခိုက်အတန့်လေးတွေရှိလာတယ်ဆိုတာ နားလည်သဘောပေါက်လာခဲ့တယ်။

လိုချင်တာက တဘက်လူရဲ့ ပျော်သွားတဲ့ အပြုံးလေးတခုတည်းလဲဖြစ်နိုင်ပါတယ်။

A Chen
00: 47 am
20th December 2009
Hotel Olympic Sports
Kuala Lumpur
Malaysia

ချစ်ရတဲ့ ကလိုကလူ လေးရေ

(picture of jimmy)

ချစ်ရတဲ့ ကလိုကလူ လေးရေ

မနေ့က ငါပြတင်းပေါက်အပြင်ကိုထွက်ပြီး၊့ ၁၇ ထပ်အမြင့် ပြတင်းပေါက်ဘောင်ပေါ်ကနေပြီးတော့
နေ၀င်တာကိုစောင့်ကြည့်နေခဲ့တယ်
သီချင်းတွေလဲ အကျယ်ကြီးအော်ဆိုပြီးတော့လေ
တစ်ပုဒ်ပြီးတော့ နောက် တစ်ပုဒ်……ပျော်လိုက်တာဟာ
သာယာလှပတဲ့ အနာဂတ်နဲ့
လောကကြီးတစ်ခုလုံးကိုငါပိုင်နေသလိုပဲ

ဒါပေမယ့် ငါအိမ်ထဲပြန်ဝင်လိုက်တာနဲ့ ပိုပြီးထူထပ်သိပ်သည်း တဲ့
အထီးကျန်မှု ကိုခံစားလိုက်ရတယ်
အဲဒီတော့ တခါပြတင်းပြင်ကိုထပ်ထွက်ပြီးတော့ မှုန်တုန်တုန်ကြယ်တွေ ကိုကြည့်ပြီး
သီချင်းတွေ ထပ် တခါအော်ဆိုတာပေါ့ဟာ

ဆိုရင်းနဲ့ အာခေါင်တွေ ခြောက်ကပ်လို့ လျှာတောင် ကွဲတော့မယ် မရပ်ချင်သေးဘူးလေ
မိုးအလင်းဆိုပစ်ချင်သေးတာ။
မောလှပြီ။ ။
ပြတင်းဘောင်ပေါ်မှာ ထိုင်ချလိုက်ပြီး
မြို့တော်ကြီးရဲ့ မီးရောင်တွေကိုတခါငေးမိပြန်တယ် စိတ်ထဲမှာနဲနဲ နွေးလာသလိုပဲလေ

မြို့တော်ကြီးထဲမှာတော့ ‘‘အထီးကျန်သူ’’ ဟာ ငါတစ်ယောက်ထဲ ဟုတ်မှာမဟုတ်ပါဘူးနော်
အနည်းဆုံး ငါ့လို အထီးကျန်နေတဲ့ ငကြောင်နောက်တစ်ကောင်တော့ ရှိရမယ်
ဟောင်းလောင်းကြီးခံစားရတဲ့အခါ ကောင်းကင်ကြီးကိုကြည့်ပြီးတော့ သီချင်းတွေအော်ဆို..
မိုးလင်းတဲ့ အထိပေါ့
အင်း ဒီ မြို့တော် ကြီးထဲ မှာ သူ နဲ့ ငါဘယ်တော့မှ ဆုံမှာတော့ မဟုတ်ပါဘူး
ဒါပေမယ့် သူ့ကိုငါ ရင်းနှီးနေသလိုခံစားရတယ်

မိုးလင်းပြီဟ………..
သွားအိပ်တော့မယ်ဟာ………….နော်။ ။

ခိုကလေး
၎ လပိုင်း ၁၇ ရက်နေ့။ ။
အာရုံ ၅နာရီ။

သူငယ်တန်းဖတ်စာ

မောင်ညီမလေးတို့ရေ

ဒီနေ့ အသစ်ဖတ်မှတ်ကြရမယ့် စာလွှာကတော့ စာဆိုတော် နန်းမတော် မယ်နု နဲ့ ညီအမ ၈စိပ်ကွဲတော်စပ်ပြီး နန္ဒသူရ အမတ် (ရှိမရှိမသိ အဟိ) (မဲဇာတောင်ခြေရေးတာဘယ်သူပါလိမ့် သြော် နန္ဒသူရိယ အမတ်ကြီး ဟုတ်တယ်မှလား?) နဲ့ စပ်ရင် ဟိုဘက်ဒီဘက် အမွေဆိုင် လင်ပါသားရဲ့ တူ ၂ဝမ်းကွဲ၊ အဆွေးကဗျာတွေရေးတာဘယ်သူ….သြော် နတ်သျှင်နောင် နဲ့ကျတော့ ဘယ်လိုတော်တာလဲဆိုတော့ ဦးလေးရဲ့ အကိုဝမ်းကွဲ နဲ့မယားပါသား ဘက်က မြေး အင်း အဲ့လို ခုတလော ဗာရာဏာဘလောခ်ပြည်မှာ နာမည်ကျော်ကြား၊ ထင်ရှား၊ လျှမ်းလျှမ်းတောက်၊ လက်မလည်(ကြက်သည် အဲလေ) လောက်အောင်၊ ပတ်ပလစ်ရှာတွေ လိုက်နေတဲ့ လူသိများလှတဲ့ အောင်မြင်လှတဲ့ ရောင်းအားကောင်းလှတဲ့ စတဲ့ ဂုဏ်ပုဒ်တွေနဲ့ပြည့်စုံပေတဲ့ အိုဘယ့်ဘယ် အိုဘယ့်သမီးတော် စန္ဒာ သူဇာ တို့နဲ့ ညီအမ ဟိုဘက်ဒီဘက် အတင်းစပ်ရင် ဆွေတော်မျိုးတော် အမျိုးတော် တော်စပ်သူ သီဟပျံချီ ဘုံပျံ သီရိသုဓမ္မ ခင်ကလျာ နွဲ့နွဲ့နှောင်း ဘွဲ့ရ နန်းမတော် အွန်စော ဂျူမုံ ချိုဝမ် နောက် (ဟင်းချက်တဲ့ကားထဲက ဘယ်သူ???) သြော်မှတ်မိပြီ ချန်ဂင် စဝ်နေ ယွန်း ခင်မိမိချမ်း (အောင်မဠီးဟဲ့ မွေးမေလေ့လေ့လေ့) က သူ့ရဲ့ ချစ်လှစွာသော စားရန်မွေးထားသည် ဟု စာဖတ်သူများ စွပ်စွဲကြသော ပုစွန် ၃ ကောင်အကြောင်း ကို ဒီလို လေးချိုးမမည် တျာချင်းမမြောက် ဒွေးချိုးဆိုတော့လဲမဟုတ်ပြန်တဲ့ “တမ်းချင်း” ကဗျာဖွဲ့ပါတယ်။ကဗျာ နာမည်လေးကိုတော့ ရိုးရိုးလေးပဲ “သူငယ်တန်းဖတ်စာ” လို့အမည်ပေးထားပါတယ်ကွယ်……ကဲကဲ ခံစားကြည့်ကြရအောင်နော်…..

သူငယ်တန်းဖတ်စာ

“ပ ပုစွန်တွေ သေရှာလေ

မ မောင်မင်းမင်း အပြစ်မကင်း

တ တီချမ်းမှာ စိတ်မကောင်းရှာ


က ကဗျာစပ် သူမနေတတ်

ဘ ဘလောခ်ရေးအသိပေး

အ အဟေးဟေးမရယ်နိုင်တော့

ပ ပုလင်းလေး ဟောင်းလောင်းပေါ့

အဟော့ဟော့ အဟော့ဟော့”




တမ်းချင်း





သီဟပျံချီ ဘုံပျံ သီရိသုဓမ္မ ခင်ကလျာ နွဲ့နွဲ့နှောင်း ဘွဲ့ရ နန်းမတော် အွန်စော ဂျူမုံ ချိုဝမ် နောက် (ဟင်းချက်တဲ့ကားထဲက ဘယ်သူ???) သြော်မှတ်မိပြီ ချန်ဂင် စဝ်နေ ယွန်း ခင်မိမိချမ်း



ကဲကဲ

စာဖတ်သူတွေကို မေးခွန်းလေးတွေမေးပါမည်။

  • ပုစွန်၊
  • မောင်မင်းမင်း၊
  • တီချမ်း၊
  • ဘလောခ်၊
  • အဟေးဟေး အဟော့ဟော့



စတဲ့စကားလုံးတွေကိုသုံးပြီး ဝါကျဖွဲ့ပေးရပါမယ်။ (တလုံး ကို ၂ မှတ် ၅ လုံး ၁၀ မှတ်ပါ။) လာဖတ်ရင် ဖွဲ့ရပါမယ်၊ မဖွဲ့ရင် မဖတ်ရပါဘူး။ (ဟော ဖတ်ပြီးသွားလို့ ဒီအထိရောက်လာပြီ မှလား ဖွဲ့ပေတော့ မစဉ်းစားနဲ့ ဖွဲ့ပေတော့ ပဲ အဟေးဟေး…..)

ပြီးရင် အထက်ပါကဗျာ ကိုစကားပြေ ရေးပေးရပါမယ်။ (အမှတ် ၃၀ပါ။)



အထက်ပါမေးခွန်းတွေကိုအကုန်မှန်အောင် ဖြေနိုင်ရင် တီချမ်းရဲ့ သူငယ်ချင်း စစ်စစ် စာမေးပွဲမှာ အမှတ် ၄၀ အပြည့်နဲ့ သင် “အောင်” ပါပြီ။ ကဲကဲ ကံကောင်းပါစေနော်……….

ချစ်တဲ့

လှုပ်လီလှုပ်လဲ့ အပြုံးမပျက် ပြုံးလျက်

သီဟပျံချီ ဘုံပျံ သီရိသုဓမ္မ

ခင်ကလျာ နွဲ့နွဲ့နှောင်း ဘွဲ့ရ

နန်းမတော် အွန်စော ဂျူမုံ ချိုဝမ်

နောက် (ဟင်းချက်တဲ့ကားထဲက ဘယ်သူ???)

သြော်မှတ်မိပြီ ချန်ဂင်

စဝ်နေ ယွန်း ခင်မိမိချမ်း



ညီအကိုမသိတသိချိန် (၈ နာရီ ၅၀ မိနစ်)

ပြာသို လဆန်း ၂ ရက် ၁၃၇၁ ခုနှစ် (ခရစ်သက္ကရာဇ် ၂၀၀၉ ခု ဒီဇင်ဘာ ၁၇ ရက်)

အယုဒ္ဓယပြည် ဘန်ကောက်မြို့တော်

နေအိမ်တွင်ရေးသားပြီးစီးသည်။

bonus (ကိုကိုကာကာ ကိုအားကျလို့ပါ)…………..

စာဖတ်သူတွေကို up date လုပ်တာပါ

ဒီနေ့ ဆံကေသာ “သ” ပါတယ်

(မှတ်ချက် ဘန်းစကားများ

ဖိနပ်သဲကြိုးလဲ၊ အိမ်ခေါင်မိုးပြင်)

မနက်ဖြန် မလေးရှား ကေအယ်လ် ကို ၅ ရက်သွားပါမယ်

အဲ့တာကြောင့် ရွိုင်းနင်းဂွိုင်းနင်း လုပ်ပါတယ်။ မောင်မင်းမင်း ကိုသွားမပြောပါနဲ့နော်…ရှူး………………


ဂရုမစိုက်သလို ဟန်ဆောင်လို့မရဘူး

ဂရုမစိုက်သလို ဟန်ဆောင်လို့မရဘူး

သူငယ်ချင်းတယောက် ရက်သတ္တ ၃ ပတ်ဆက်တိုက် ဆေးရုံ ရဲ့ အထူးကြပ်မတ် ကုသ ဆောင်ကို တင်လိုက်ရတယ်။ ဗိုက်အောင့်တဲ့ ဒဏ်ကို သူသေလုမျောပါးခံစားရတာလေ။ ဆရာဝန်တွေအမျိုးမျိုးကြိုးစားကြပေမယ့် ဗိုက်အောင့်တဲ့ အကြောင်းအရင်းကို ရှာလို့ မရ ကြဘူး။ သုံးပတ်ကျော်သွားတော့ သူ့လက်ထဲမှာ ရှိနေတဲ့ အလုပ်ကြွေးတွေအကုန်ပြီးသွားတဲ့ အခါလည်းကျရော ဗိုက်အောင့်တာပါ တပြိုင်တည်း ယူပြစ်သလိုပျောက်သွားတော့တာပဲ။ အဲ့တော့ မှာ သူတွေးမိတာက ဗိုက်အောင့်တာ က စိတ်ဖိစီးမှုတွေများနေလို့ ဖြစ်မှာပဲတဲ့လေ။

သူ့ကိုခင်တာ နှစ်တွေကြာလှပါပြီ။ ဘယ်တုံးကမှ သူဟာ စိတ်ဖိစီးမှု ကိုလုံးဝမခံနိုင်တဲ့ လူစားမျိုးလို့ သတိမပြုမိခဲ့ဘူး။ သူ့ကြည့်လိုက်ရင်အမြဲ ပြုံးပြုံးရွှင်ရွှင် ရယ်ရယ်မောမော ပေါ့ပေါ့ပါးပါးနဲ့ ဘာကိုမှသိပ်ဂရုမစိုက်သလိုပုံစံနဲ့လေ။ လက်စသတ်တော့ အဲ့တာတွေက ဟန်ဆောင်နေတာကိုး။

“တကယ်တော့ ငါ့ကိုလူတွေဘယ်လိုတွေးကြမှာ၊ ထင်ကြမှာ ငါသိပ်ကို ဂရုစိုက်ပါတယ်။ ဒါပေမယ့် အဲ့လို ငါဂရုစိုက်တာကို ငါက လူတွေကို မသိစေချင်ဘူး” လို့ သူကပြောပါတယ်။

တချို့တွေက သူတို့ရဲ့ လုပ်ဆောင်ချက်တွေကို အရမ်းဂရုစိုက်ပါတယ်။ ပြီးတော့ လူတွေက သူတို့ကို ဘယ်လိုမြင်သလဲ ဘယ်လိုသဘောထားလဲ ဆိုတာကိုလဲ အရမ်းအရေးထားတယ်။ ပြီးတော့ ဘာမှဂရုမစိုက်သလို ဘာမှမဖြစ်သလို ဟန်ဆောင်မှုအလွှာတထပ်နဲ့ သူတို့ကို သူတို့ ဖုံးအုပ်ထားကြတယ်။ အဲ့လိုနဲ့ပဲ တခြားလူတွေကို ညာနေကြသလို သူတို့ကို သူတို့လဲ ပြန်ညာ နေကြတယ်။ အားလုံးကဂရုစိုက်လွန်းအားကြီးရင် ကြည့်မကောင်းဘူးလို့ထင်နေကြတယ်လေ။

ကိုယ်ကတော့ ရှင်းပါတယ်။ တကယ်လို့ ကိုယ့်ကို အပေါ်ယံအမြင်မှာ ဘယ်လောက် ဂရုစိုက် တတ်သလဲလို့မြင်ရင် အဲ့တာ ကိုယ့်စိတ်ထဲမှာလည်း အဲ့လောက်ကို ဂရုစိုက်လို့ပဲ။ နည်းနည်းမှ မပိုသလို နည်းနည်းမှလဲလျော့ဘူး။ ဒါပေမယ့် လုံးလုံး ဟန်မဆောင်တတ်တာကလဲ သိပ်တော့ မကောင်းဘူးထင်ပါတယ်လေ။

လူတယောက်နဲ့ ကြုံဆုံ ရင်ဆိုင်တွေ့တဲ့အခါ သူ့ကို လုံးဝ ဂရုမစိုက်ပါဘူးလို့ ဟန်ဆောင်ချင် တယ်။ ဒါပေမယ့် ဘယ်လောက်ပဲ ဟန်ဆောင်ထားပေမယ့် ကိုယ့်ရဲ့ အမူအရာတွေက မလုံတော့ မျက်နှာထား၊ စကားအပြောအဆိုက အစ ကိုယ်ဘာကိုဆိုလိုတာလဲဆိုတာ ကို သူက ဘွင်းဘွင်းကြီးအကုန်သိနေရော။

ကိုယ်တိုင်က ဟန်မဆောင်တတ်တော့ ကိုယ့်လိုပဲ သူများတွေကလဲ ဟန်ဆောင်မှာ မဟုတ်ပါ ဘူးလို့ထင်တယ်။ တဘက်လူက ကိုယ့်ကို စိတ်မဝင်စားပါဘူးလို့ထင်နေတယ်။ တနေ့…သူက “ကိုယ်မင်းကို အရမ်းစိတ်ဝင်စားနေတာကြာလှပါပြီ” လို့ ကိုယ်တိုင်ဖွင့်ပြောတော့မှပဲ ကိုယ့်မှာ သက်ပြင်းမောကို တိတ်တိတ်ကြိတ်ချရတာလေ။

ကိုယ်လူတယောက်ကို အရမ်း ဂရုစိုက်မိနေပြီဆိုရင် ခဏခဏ စိတ်ပူကြောင်းကို ထုတ်ပြမိ တတ်တယ်။ ခဏခဏလဲ ပြောပြောနေတတ်တယ်။ ဒီဟာမလုပ်နဲ့၊ ဟိုဟာမလုပ်နဲ့နော် လို့။
လူ့ဘဝမှာ တခါတလေတော့ လုံးဝ ဟန်မဆောင်လို့မရတဲ့ အခါတွေရှိတတ်ပါတယ်။ အဲ့လိုပဲ တခါတခါမှာလည်း ဘယ်လိုမှ ဆက်လက်ဟန်ဆောင်လို့မရတော့တဲ့ အခါတွေရှိတတ်ပါတယ်။
ဒါပေမယ့် အဲ့လိုအချိန်ကျရင် ကိုယ့်ဘာသာကိုယ်ပဲ ငါဟန်ဆောင်တဲ့ဘာသာရပ်မှာ တော်တော် ကို ညံ့နေသေး ပါလားလို့ပဲ ဘာသာတိုးတိုး ဝန်ခံလိုက်ယုံ၊ အားတင်းလိုက်ယုံပါပဲ။

မှတပါးအခြားမရှိပေါ့လေ…..။

A Chen
4:39 pm
16th December 2009
Home
Bangkok
Thailand

I spoiled myself on Saturday (12.12.2009)

၁၂ ရက် ၁၂လ ၂၀၀၉ ခုနှစ်………..

စနေနေ့ပါ အိပ်ရာကနိူးတော့ ညနေ ၂ နာရီ ခွဲနေပြီ အဲ့တာနဲ့ ဒီနေ့ ဘာလုပ်ရမလဲ စဉ်းစားနေရင်း ဗိုက်ကလဲဆာနေပါတယ်။ ပြီးတော့ shop လေ shop မ shop ရတာလဲကြာနေပြီမှလား။ နှစ်ကလဲကုန်ခါနီးနေပြီ အဲ့တော့ ကိုယ့်ကိုကိုယ်လဲ တနှစ်တာလုံးကြိုးစားပမ်းစား အိပ် အဲလေ အလုပ်လုပ်ခဲ့တဲ့ အတွက် ဆုချသင့်တယ်ပေါ့။ (အမှန်က အကြောင်းပြချက်ရှာနေတာပိုက်ဆံဖြုန်းဖို့ ဟိဟိ) ပြီးတော့ ခုကိုပဲ ၂၀၀၉ ကုန်လို့ ၂၀၁၀ ရောက်ချင်နေပြီ ဟော တနှစ်ကုန်သွားလိုက်တာ မျက်တောင်တခတ်ကလေးအတွင်း ဘိုလိုဆိုရင်တော့ in a blink of an eye ပေါ့ ကဲ နောက်ဆို ဘာမှမကြာတော့ဘူး ဟော…………..ဆို
၂၀၁၂ ရောက်လာတော့မှာ ပြီးတော့ စုထားတဲ့ပိုက်ဆံလေးတွေ ဘယ်လိုလုပ်ရပါ့မလဲပေါ့နော် (ယူထားတဲ့အကြွေးတွေကတော့ ကမ္မသကာ ပဲ အဟေးဟေး) အဲ့တာနဲ့ ခုလိုအကြောင်းပြချက်တွေ စုပေါင်းပြီးသကာလ ဈေးဝယ်ထွက်ဖို့ မေလေပြင် လုပ်ပါတယ် တီ့အိုင်ဒီယာ သဘောကျသော လေဒီများ အမျိုးသမီးများ လက်ခုပ်တီးကြပါ (ဟေး မမကွမ်ကြီးရှေ့ဆုံးကထိုင်ပြီး ရေရေလည်လည် အားပေးနေပါတယ်)

ပထမဆုံး လှလှကလေးဖြစ်အောင် ဖိနပ် အသစ်လေးထုတ်စီးပါတယ် dapper ပါ ဒီနှစ် နှစ်စတုံးကဝယ်ထားတာပါ ၁၇၄၀ ဘတ်ပေးရပါတယ် နှစ်ရံဝယ်ရင် ၃၀ % လျော့မယ်ဆိုလို့ အညာမိသွားတာပါ ဝယ်လိုက်မိတယ်ကွယ်ငှယ်ငှဲ ထားပါတော့ တရံကတော့ ဝတ်တာဟောင်းတောင်သွားပြီ ဒီနေ့တော့ အသစ်တရံထပ်ထုတ်ဝတ်ပါတယ် လှချင်တာကိုးနော် ပြီးတော့ အိတ်ကလေးကလဲ dapper ပါပဲ ၃၄၀၀ ဘတ်လားမသိဘူးကျပါတယ် အရင်လ တီ့ မွေးနေ့အတွက် တီ့ ဝမ်းမနာ ကလေး နှစ်ကောင်ဝယ်ပေးတာပါ ဒီအိတ်ဝယ်ပေးဖို့အတွက် သူတို့နှစ်ကောင် မုန့်ဖိုး ၆လစုရပါတယ်တဲ့ တကယ့်ကလေးတွေပဲနော် သိတတ်ကြတယ် (မွေးစားရကျိုးနပ်တယ်နော် တွေ့လား)
ထားပါတော့ အဲ့လိုလှလှလေးဝတ်စားပြီးသကာလ ကြွကြွရွရွလေး ဈေးဝယ်ထွက်ပါတယ် ဒန်ဒန့်ဒန့်….

ပထမဆုံး ကွန်ပျူတာ စီးတီး ပန်တစ် (computer city pantip) ကိုသွားပါတယ် ကိုယ့်အတွက် ဝိုင်ဖိုင် အောပ်တစ်ကယ်မောက်စ် ဝယ်ပါတယ် ဘတ် ၃၀၀ ဆမ်းသင်း ပါ။ ပြီးတော့ ဘေးကဟာတွေက လက်တော့ပ် ဖုန်သုတ်စက်ဘတ် ၁၀၀ ရယ် ကိုကြီး အတွက်မောက်စ် ဘတ် ၁၅၀ ရယ် ကွန်ယက်ထဲက သူငယ်ချင်းတယောက်မှာတဲ့ လက်တော့ ဖုံးတဲ့ ရာဘာပြား ဘတ် ၈၀ ရယ်ပါ အဲ့တာတွေက ဇန်နဝါရီ ပြန်ရင်ပေးရမယ့် လက်ဆောင်တွေ အဟင့်ဟင့် အဲ့တာ သမီး အခြောက်မလေးတွေအတွက် အလှပြင်ပစ္စည်းတွေ မပါသေးဘူး အရပ်ကတို့ရဲ့ ကြည့်ကြပါအုံး အဆင်းလှစွမ်း မိမိချမ်း ဘဝ ကို အောင်မယ်မင်းရယ်တဲ့မှ အမင်းမယ် (ငိုချင်း တွိန်တွိန်တွိန်)

ပြီးတော့ ဘေးနားက ပလက်တီနန် ပလာဇာ ကိုသွားပြီး သကာလ ဂျပန် ငပုစာတွေကို သွားစားပါတယ် ပြောရအုံးမယ် ခုတလောက အဲ့ဒီ ဂျပန်စာကို တီ ချဉ်ချင်းတပ်နေတာ ပါ ခဏခဏ သွားစားတာ ဒီအပတ်ထဲကို လေးခေါက်ရှိပါပြီ ပြီးတော့ စားတိုင်းလဲ တမျိုးထဲ တခုထဲပါပဲ ဒီနေ့တော့ မောင်နဲ့ တူတူသွားစားတယ်
အော် မေ့တော့မလို့ မောင့်ကို ဘာပြောလိုက်လဲသိလား
“မောင်……ခုတော့ တူတူစားနေရပြီနော်….အရင်အခါတွေလာစားတုံးကဆို မောင့်ကို အရမ်းသတိရမိတာပဲ အစားကောင်း စားရင် ချစ်တဲ့သူကို သတိရတယ်ဆိုတော့လေ” လို့
အဲ့လိုလေးလဲ ပြောလိုက်ရော ယောက်ျားတွေများ သိတယ်မှလား ညာတာလေးပဲ ယုံချင်တယ်ဆိုတာလိုလေ အရည်တွေပျော်ကုန်တာပေါ့ မောင်က အဲ့လို ဥာဏ်များတာနော် မိမိချမ်းတို့က ကဲကဲ သမီးလေးတွေ မှတ်ထားကြနော် နည်းလမ်းကောင်းလေးတွေ ဟုတ်သော်ရှိမဟုတ်သော်ရှိပေါ့ ပြောသာပြော အထူးသဖြင့် ယူတော့မယ် ဆိုတဲ့ မိကြယ်တို့ အတုယူဖွယ်ပဲ (ပြောသာပြောရတာပါ တီ့စာဖတ်ပရိတ်သတ်တွေကလဲ တီ့ထက် (၇) လကြီးတွေချည်းပဲနေမှာ သိနေတယ် ဟင်းဟင်း)
ဒီပုံလေးတွေကတော့ မောင်မှသောက်တဲ့ နမ့်ပလောဝ် (ရေ ရိုးရိုးနဲ့) တီသောက်တဲ့ ချာခရို ရောမ်း (ရေနွေးကြမ်း အစိမ်း အပူပါ)
ဘေးကပုံက တီဖတ်လက်စ ဝတ္ထုပါ ဒီမှာ တခါက နည်းနည်း မိတ်ဆက် ရုပ်ရှင် အကြောင်းရေးဖူးပါတယ် ခုတော့ ဝတ္ထုပြန်ဖတ်နေတယ် ရေရေလည်လည်ပဲ မိုက်တယ်
(စာရေးဆရာမလေးက စီစီလီယာ အေဟမ် Cecelia Ahern ပါ တီနဲ့ ရွယ်တူပါ ၈၁ မှာ မွေးပါတယ် တီ့လိုပဲ လှလှလေး တီကတော့ သူ့လောက်မ“ဝ”ပါ မှတ်ချက်) သူဒီဝတ္ထုကို စရေးတုံးက အသက် က ၂၁နှစ်ပဲရှိပါသေးတယ်။ ဒီဝတ္ထုက ၂၀၀၂ ကစရေးတာ ၂၀၀၄ မှာ ထုတ်ဝေတော့ အိုင်ယာလန်မှာ ရက်သတ္တ ၁၉ ပတ် နံပါတ် ၁ အရောင်းရဆုံးချိတ်ပါတယ် ပြီးတော့ နိုင်ငံပေါင်း ၄၀ကျော်မှာလဲ (တီချမ်းရဲ့ စာမူများကဲ့သို့) အသေရောင်းကောင်းနေဆဲပါ။
ရုပ်ရှင်အဖြစ် ဒါရိုက်တာ ရစ်ချက် လာဂရမ်ဗာနီးစ် က ပြန်ရိုက်ပြီးတော့ မင်းသား ဂျရတ် ဘတ်တလာ (၃၀၀ three hundreds) နဲ့ ဟီလာရီ ဆွမ်ခ့် (မီလီယံဒေါ်လာဘေဘီ million dollars baby) တို့ သရုပ်ဆောင်ပြီး ဒီဇင်ဘာ ၂၁ ၂၀၀၇ မှာ အမေရိက မှာ စတင်ဖြန်ချိခဲ့ပါတယ် စာရေးဆရာမ အကြောင်းအသေးစိတ် သိချင်ရင်တော့ http://en.wikipedia.org/wiki/Cecelia_Ahern မှာဖတ်ကြည့်ကြပါ။ တီကတော့ ရုပ်ရှင် ကို အခေါက်ခေါက်အခါခါ ကြည့်ပြီးပါပြီ ကြည့်တိုင်းလဲငိုရပါတယ် ခုတောင်ပြောရင်းငိုချင်လာပြီ……….အဟင့်……….အော် မေ့တော့မလို့ ရုပ်ရှင်ကားနာမည်က “စာကြွင်း….မင်းကို ဒို့ ချစ်တယ်” တဲ့နော်
ဒါကတော့ မှာထားတာတွေမလာခင်စောင့်နေတာပါ မျက်နှာချင်းဆိုင်ထိုင်နေတာပါ ရိုက်လိုက်တော့ ဒီလိုလေးတွေ ထွက်လာတယ် မိုက်တယ်နော် (ဘယ်သူမှမပြောခင် ကိုယ့်ဘာသာပြောထားတာ) ဒါပေမယ့် ကိုယ်က ဓါတ်ပုံ ပိုရိုက်တတ်တော့ သူ့ပုံက ပိုလှနေသလိုဖြစ်နေတာပေါ့ အမှန်က ကိုယ်ကပိုချောတယ် (ဘယ်သူမှဓါးနဲ့ထောက်ပြီး မပြောခိုင်းဘူး ကိုယ်ကအမြဲမှန်သောစကားပဲပြောတတ်တာ အကျင့်ပါနေလို့)

ဒါက A’ la carte ပါ ပုစွန်နှစ်ကောင်ရယ် ပြည်ကြီးငါးတကွင်းရယ် ဂဏန်း နှစ်ဖတ်ရယ် ငါးတဖတ်ရယ်ပါတဲ့
sea food tempura ပါ ဘေးကတော့ ဂျင်းရည်ပူပူလေးပါ အဲ့ဒီအထဲကို မုန်လာဥ အဖြူ မှုန့်မှုန့်လေးကြိတ်ထားတာ (အကြော်တွေဘေးနားက အတုံးလေးတွေ့လား) ကိုထည့်ဖျော်ပါတယ် တန်ပူရာနဲ့တို့စားစရာအချဉ်ရည်ပေါ့

ဒါကတော့ မောင်မှာစားတဲ့ စော်လမွန် ငါးကင်ပါ သူမှာတာက set လိုက်ဆိုတော့ ထမင်းရယ် ကမ်ချီရယ် ဆလပ်တပွဲရယ် မီဆို ဟင်းရည်ရယ်ပါပါသေးတယ် (စကားမစပ် ကိုယ်ကအဲ့ဒီမီဆိုကို ကမ္ဘာပေါ်မှာ အမုန်းဆုံးပါ ပဲပိစပ် ကိုဟင်းရည်လုပ်ထားတာပါ ပဲပိစပ်ကိုမသိဘူးဆိုရင် တောင်ကြီး ဟဲ့ဟိုးဘက်က ပဲပုပ်စေ့သိလား အဲ့တာပဲ ဆယ်တန်းတုံးက စလက်တက် မြန်မာတေးလ် (selected myanmar tales)ထဲမှာပါတဲ့ မင်းသမီးက သူ့အဖေ ဘုရင်ကြီးနဲ့ တော်လည်ထွက်မယ့် သူ့ချစ်သူ ကို ဦးထုပ်အဖြစ်ဖုတ်ပေးလိုက်တာလဲ အဲ့ဒီပဲပိစပ်ပဲပေါ့ ပြောမယ် ဆိုရင်တော့ သူက ဂန္တဝင်ပဲပါ ဘေးနားက ဘရိုကိုလီ ရယ် မှိုရယ် အက်စပါရာဂတ်စ် ရယ်ပါ အော် မုန်လာဥနီ (ခါကြက်ဥ) လဲပါသေးတယ် အဲ့တာလဲ ကိုယ်မကြိုက်ဘူး Asparagus တော့ကြိုက်တယ် ဘယ်လိုချက်ချက် ဟင်းရည်ချက်လဲကြိုက်တယ် ခရမ်စွပ် (cream soup)လေ အဟေးဟေး သောက်ချင်လာပြီ…..

ဒါကတော့ ကိုယ်မှာစားတဲ့ set ပါ လေးခါရှိပါပြီ ဒီဟာပဲစားနေတာ မုန်းသေးပါဘူး ဆက်စားသွားမယ်လို့လဲဆန္ဒပြုထားပါတယ် ကြည့်ကြပါအုံး ဒီလောက်ကောင်းတာကို နော့ ကဲကဲ ဘယ်ဘက်ပေါ်ထောင့်ကွက်ထဲကိုစကြည့်ရအောင် ဘာတွေပါသလဲလို့ ထောင့်နားလေးမှာ ဆလပ်ရွက်နဲ့ကွယ်နေတာက ဝက်သားလိပ်ပါ အထဲမှာ ပဲသီး ကညွတ် Asparagus တခါတခါ ကြက်သွန်မိတ်တွေ ကြုံတာရရင်ရသလိုထည့်တယ် တူပါတယ် (ဘာလို့လဲဆိုတော့ တခါစားရင်တမျိုးဖြစ်နေလို့ ) ဘေးကအသားကတော့ ဝက်ပါ ပါးပါးလေးလိတ်ထားတာ ပြီးတော့ တစွန်းတစ ပေါ်နေတဲ့ အဝါရောင်အတုံးလေးက ကြက်ဥ အချိုပါ အရမ်းအရမ်းကိုချိုပါတယ် အချိုပွဲနဲ့ပဲတူတယ် နောက် သူ့အောက်က ညိုတိုတို အတုံးလေးနှစ်တုံးက ကြက်သားတုံးတွေပါ အောက်ဆုံးထောင့်နားက အလုံးလေးက ရေဘဝဲ အသားအစာသွတ် မုန့်ပါ မြန်မာ မုန့်လင်မယားနဲ့ဆင်တယ် ဒါပေမယ့် သူက နှစ်ခြမ်းမဟုတ်ဘဲ အလုံး
ပြီးတော့ အပေါ်က ငါးကြော်တုံးကတော့ မောင့်ငါးအတိုင်းပဲစော်လမွန် ကြော်လေး အင်းဘေးအကွက်က ဆလပ် ကို မေရောနိစ် ဒရက်ဇင်းနဲ့ (မေယောနိ)လို့ပေါင်းလိုက်မိလို့ စိတ်ထဲတောင်တမျိုးကြီးဖြစ်သွားတယ် ဆော်တီး အာဘွားနော် နောက် ပုစွန် သေးသေးတကောင်ကြော်ရယ် ပြည်ကြီးငါးသေးသေးတကွင်းကြော်ရယ် ငါးတဖတ်သေးသေးကြော်ရယ်ပါ အောက် ဘယ်ထောင့်အကွက်ကတော့ ဆူရှီပါ ရေညှိနဲ့ အထဲမှာ ဂဏန်းသားပါတဲ့အလိပ်ကလေး ၃ ခုနဲ့ ထမင်းချည်းပဲ နှမ်းမဲအစေ့လေးတွေဖြူးထားတဲ့ အလိပ်က ၃လိပ်ပါ နောက်ဘေးက ဝါဝါ နှစ်လိပ်က ပဲပြား အပေါ်က အုပ်ထားတဲ့ အထဲမှာ ထမင်းနဲ့မှိုနယ်ထားတာပါ စားကောင်းပါတယ် ချိုတိုတိုလေးပါပဲ နောက်ဆုံးညာထောင့်ကွက်ကတော့ ဆာရှီမီ (ငါးစိမ်းလွှာပါ) တီ့ အကြိုက်ဆုံးပါပဲ ဘေးနားမှာ စိမ်းစိမ်းလေးက ဝါဆာဘီပါ ဆာရှီမီနဲ့တို့စားဖို့ပါ သူကအင်မတန်မွှန်ပါတယ် နှာခေါင်းထဲကနေခေါင်းထိတက်ပြီးတော့ အူးဆို မွှန်တက်သွားတာပါ (လာမယ် ဇာတ်လမ်းက အောက်မှာအဟိ)
အဲ့ဒီ ဆာရှီမီ ကိုရှာလကာရည် အပျော့နဲ့တွဲဖျော်ရပါတယ် ဘေးက ဆော့စ်က ခုန ဘူးထဲက အကြော်တွေနဲ့တို့စားဖို့ပါ နောက်တခွက်က တီဖျော်ပြီးသား ဝါဆာဘီ ပါ ဘေးက အစိမ်းတုံးလေးက အပို

ဒါကတော့ တောသားလေး ဝါဆာဘီ မွှန်သွားတာပေါ့ကွယ် တီ့အညာမိသွားတာလေ အဟေးဟေး ချစ်စရာလေးနော် (သဘောတူရင်လက်ခုပ်တီးကြပါ)

ဒါကတော့ အချိုပွဲနဲ့ ကော်ဖီပါ အဲ့ဒီဆိုင် fuji ကနေ့လည် ၁၁ နာရီ ကနေ နေ့ခင်း ၃ နာရီ မတိုင်ခင် မှာ တီတို့ မှာသလို set လိုက်တွေမှာရင် အချိုပွဲနဲ့ ကော်ဖီတိုက်ပါတယ် ကော်ဖီက အပူအအေး ရွေးလို့ရပါတယ်။တီတို့ကတော့ ဒီနေ့ အပူပဲသောက်ကြပါတယ်
အချိုပွဲက နာနတ်သီး ဖရဲသီး သင်္ဘောသီး တစိပ်စီပါ တော်တော်ချိုပါတယ်

စားသောက်ပြီးတော့ အိမ်ပြန်လာ ရုပ်ရှင်ကြည့်ကြပါတယ် ပြီးတော့ အိပ်ပျော်လုပျော်ခင်မှာ ကလေးနှစ်ကောင်က ဖုန်းဆက်ပြီးတော့ ဟောင်ကောင် သွားမလားလို့မေးပါတယ် Hong Kong အစစ်မဟုတ်ပါဘူး ဘန်ကောက် တရုတ်တန်းနားမှာရှိတဲ့ ကလောမ်ထောမ် လို့ခေါ်တဲ့ သူခိုးဈေးပါ အဲ့ဈေးမှာ ခိုးရာပါ ပစ္စည်းတွေတဲ့ တရုတ်ပစ္စည်းတော်တော်များများ ရပါတယ် ခိုးရာပါဆိုလို့ ဘန်ကောက်မှာ ဘယ်ကနေသွားခိုးလာလဲမသိဘူး ၄၂ လက်မ ဖလက် တီဗီ တောင်ရှိပါတယ် တကယ်ပါ တီမညာဘူး ပြီးတော့ များတာကတော့ အိုင်ပေါ့ထ်တွေ ကင်မရာတွေပါ တိုးရစ်တွေကများတော့ ကမ်းခြေတွေဘာတွေကနေ ခိုးကြတယ်ထင်တယ် ဘရမ်းတက်ပစ္စည်းကောင်းတွေလဲတွေ့ရတတ်ပါတယ် စနေတရက်ပဲဖွင့်တာပါ ညဘက်ကို နှစ်ဆိုင်းရှိပါတယ် ညဦး ၉နာရီလောက်ကနေ ညသန်းကောင် ၂ နာရီအထိက တဆိုင်းပါ ပြီးတော့ ၂ နာရီကနေ မနက်ထိကနောက်တဆိုင်းပါ
ဒီပုံက ဖန်အိုးလေးပါ အရင် ပိုစ့်က ပုစွန် ၃ ကောင်မွေးဖို့ပါ (ကဲဒေါ်ရီတာ မေးတာဖြေပြီနော် နနခရော ပဲ တတိယမြောက်နောက်ဆုံးပုံက ဘာကြီးလဲဆိုတာ သိပြီပေါ့) အော်မေ့တော့မလို့ ဈေးက ဘတ် ၁၅၀
၁၈၀ခေါ်တာပါ တီကဆစ်လိုက်တာ တီကအဲ့လိုပဲ ဈေးဝယ်လဲတော်တယ် ရန်ကုန်မှာဆို နွေဦးရာသီတွေမှာ ရှိသမျှ မြေနီကုန်း ဂမုန်းပွင့်ရှေ့ စကော့ဈေးရှေ့ အိမ်နားကဈေးလေး ရှိသမျှ သရက်သီးသည်တွေနဲ့ ဈေးဆစ်ရင်း ရန်ဖြစ်နေကြ (အော်…မှတ်မိပါသေးတယ် မချစ်စုသရက်သီးသည် )…အယ်ဟယ်အယ်ဟယ်
နောက်နေ့မှ ပုစွန်၃ကောင် ကိုတင်ပေးပါအုံးမယ်

ကဲဒါကတော့ မောင်တလက် မယ်နှစ်လက် ရေဘင်အတု ပူးမား အတု ဘယ်သူသိတာမှတ်လို့နော် ရုပ်ခံကရှိသေးတယ် ပြီးတော့ တခြားဝတ်ထားမယ့် အေတူဇက် နဲ့ ဒက်ပါ ပေါင်းလိုက်ရင် ဘယ်တူက အတုတွေဝတ်တယ်လို့ထင်မှာလဲနော့ အဟေးဟေး ပျော်တယ်ဟေး မယ့်နှစ်လက် က ၁၉၀ ဘတ် မောင်ဟာက ၇၉ ဘတ် အဟိဟိ

ကဲဒါကတော့ တွေ့လဲတွေ့ရော မနေနိုင်မထိုင်နိုင်ဖြစ်သွားစေတာပါ မဝယ်နေနိုင်မလားနော် တခြားဟာတွေသာမဝယ်ရှိရမယ် အိုးခွက် ပန်းကန် ကတော့ တီတို့က ဝယ်ပြီးသားပဲ
မဟုတ်ရင် ဘယ်လို အကောင်းစားတွေချက်ကျွေးလို့ရပါတော့မလဲနော် ဘလောခ်ဖတ်သူတွေကိုပြောတာပါ
တရုတ်ဖြစ်ထင်ပါတယ် ဖန်အုပ်ဆောင်းနဲ့တောင်မှ ၉၉ ဘတ်ပဲပေးရပါတယ် ပြီးတော့ အိုးမကပ်တဲ့အိုးမျိုးပါ ပြီးတော့ မွှေဖို့ သစ်သား ယောင်းမ တချောင်းပါသေး အဟေးဟေး ပျော်တယ်ဝေး………….

ကဲတော်ပြီ
ဒီလောက်ပဲ နောက်နေ့မှာ ဟင်းချက်တာ ထပ်တင်မယ်နော်
လာစားကြ………………….
အမှောင်တဘက်ကမ်းမှ
တောင်တော်ရှင်သခင်မ
အဆင့်မြင့် နှစ်တရာ အတွင်းအား
သိုင်းပညာရှင် မေချောက်ချမ်း

တရုတ်ဟင်းနောက်ဆက်တွဲ (မနက်စာ)

၂၀၀၉ ခုနှစ် ဒီဇင်ဘာ ၁၂ ရက်နေ့

ဘန်ကောက်မြို့
နေအိမ်

မနက် ၅နာရီ ၀၉မိနစ်

ခုန က ရုပ်ရှင်ကြည့်ပြီး ပိုစ့်ရေးတယ် ပိုစ့်ရေးပြီးတော့ မဲစောက်က သူငယ်ချင်းနဲ့ စကားခဏပြောတယ် ပြီးတော့ မအိပ်ချင်သေးဘူး အဲ့တာနဲ့ မနက်ဖြန်ကလဲစနေဆိုတော့ အခွေတခွေထပ်ကြည့်မယ် စိတ်ကူးတယ် အခွေကြည့်မယ်ဆိုတော့ ဗိုက်ကဆာလာပြီ မအိပ်ပျော်သေးဘူး ရေခဲသေတ္တာထဲမှာ ရှာကြည့်တော့ အသားတွေချက်ထားပြီးသားတွေ့တယ် ခါတိုင်းလဲ ဆာရင်အလွယ်တကူလုပ်စားလို့ရအောင်ဆိုပြီး ချက်ထားနေကြပါ ရှမ်းခေါက်ဆွဲအစာအသားပေါ့ ကိုယ့်အကြောင်းကိုသိလို့ဥာဏ်အမျှော်အမြင်က ဒီလိုကြီးတာလေ အဲ့တာနဲ့ထပြီးတော့ ခေါက်ဆွဲအထုပ်ကြီးတထုပ်ဖောက် ပြုတ်ပြီး ကိုယ့်အသား (ကိုယ့်ဘာသာ ဘာသာချက်ထားတဲ့ ရှမ်းခေါက်ဆွဲ လုပ်စားတဲ့ အသား)နဲ့ကိုယ်သုပ်စားပါတယ် သူ့မှာပါတဲ့အထုပ်လေးတွေတခုမှမထည့်ပါဘူး ခေါက်ဆွဲပဲယူတာပါ ဒါတောင် ဂျုံခေါက်ဆွဲအသင့်မရှိလို့ ရှိရင် ယူစရာမလိုဘူး အဲ့ဒီခေါက်ဆွဲတွန့်တွန့်တွေကို
ဘာပဲဖြစ်ဖြစ် ခေါက်ဆွဲသုပ်ကောင်းလေးတပွဲတော့ဖြစ်သွားတယ် ချဉ်ငံစပ်ကြိုက်လို့ ငရုတ်သီးဆီချက်နည်းနည်းနဲ့ သံပရာသီး ပဲငံပြာရည် ထည့်ထားပါတယ်

ပြီးတော့ တွဲသောက်စရာ ရေနွေးကြမ်းရယ် မြန်မာတီးမစ်စရယ် ကျောက်ပန်းတောင်း တဘက်ကမ်း
ပြစ်ပြစ်သောက်ချင်လို့ နှစ်ထုပ်ကို နှို့ဆီနဲ့ဖျော်ပါတယ် ကဲမှတ်ကရော…….

စားကြသောက်ကြပါအုံးလား

အရှူပ်အရှင်း တရုတ်ဟင်း

ကဲပရိတ်သတ်တို့ရေ ခုတလော လူအမြင်ကပ်အောင်ပဲလုပ်နေတာများလာလို့ လူချစ်လူခင်ပေါအောင် နန်းမတော် မိမိချမ်းအစား မြေနီကုန်း ဦးပြောင် မယားပါ တူမ၏ ခမည်းခမက်အမျိုး
ပန်းတနော် ဦးမဲ ဟိုဘက်ဒီဘက်အတင်းစပ်တော်သော တူမ မူလလက်ဟောင်း ပုသိမ် ဒေါ်ချမ်း
ကိုပြန်ခေါ်လိုက်ရပါတယ်နော်။

အမှန်ကတော့ ဘာမှမဟုတ်ဘူး မောင်ပြန်ရောက်လာလို့ (စကားမစပ် နည်းနည်းကြွားပါမယ် မောင်ပြန်လာပါပြီ လွမ်းလွန်လွန်းလို့ မနေ့က ချက်ချင်းလေယာဉ်လက်မှတ်ဝယ်ပြီး လာခိုင်းလိုက်ပါတယ် တနေ့က ညနေလက်မှတ်ဖြတ်ပြီးသကာလ ဒီဖောင် ကိုမနေ့ကမနက်မှ အေးဂျင့်ကသွားယူ ပြီးနေ့လည် ပီဂျီ ဘန်ကောက်အဲဝေးနဲ့ တခါတည်းကြွချီလာခိုင်းလိုက်တော့ ညနေဆို မောင့်မျက်နှာတွေ့ရတာပေါ့နော့ (တော်သေးတယ် ကြိုတင်ပြီး ဗီဇာ ယူခိုင်းထားလို့ ခုကသံရုံးက အလကားပေးနေတာလေ အဲ့တော့ ယူထားလို့ လာချင်ရင် ထ လာလို့ရအောင်လို့ တလောကတည်းက ဒီအရေးတွေ ဥာဏ်ကြီးရှင် မိမိချမ်းကြိုမြင်ပြီး ယူခိုင်းထားတာပါ)

အဲ့တော့ ထမင်းချက်တာက မောင့်ကိုကြိုဆိုတာလားဆိုတော့ မဟုတ်ပါဘူး ငှဲငှဲ မောင် ရောက်လာတော့ ဆေးမယ့်ကြောမယ့် သိမ်းမယ့်ရှင်းမယ့် လူရှိပြီလေ ညှင်းညှင်းညှင်း (ဒီမနက်တောင် အိမ်ရှင်း အိပ်ရာခင်းလဲ စောင်လှမ်း ခိုင်းလိုက်သေးတယ် ကပ်ကြွား)

အဲ့တာကြောင့်မဝင်တာကြာပြီဖြစ်တဲ့ မီးဖိုချောင်လေးကိုတချက် မျက်နှာလေးငှဲ့ပြီး မျက်လုံးလေး လှန်ကာ ဆံပင်လေးခါလျက် ချစ်စဖွယ်မျက်နှာပေးလေးနဲ့ (လှလှလေး) လှည့်ကြည့်ဖြစ်ပါတယ်)

အင်းတခါလာလည်းဆီပြန် တခါလာလည်း ဆီပြန်ဆိုတော့ ပရိတ်သတ်တွေပျင်းနေမှာစိုးတာနဲ့ ဒီတခါတော့ မူလလက်ဟောင်းဒေါ်ချမ်း ရဲ့ လင်ညီအမ လီရှောင်ချမ်း ကိုခေါ်ပြီး တရုတ်လိုချက်ခိုင်းပါတယ် အဲ့တော့ ဘာချက်ရမလဲလို့တွေးတဲ့အခါမှာ လီရှောင်ချမ်းစဉ်းစားမိတာက ငါးပေါင်းပါပဲ ချက်ရလွယ် စားလို့ကောင်းဆိုတဲ့ ဒေါ်ချမ်းမူနဲ့လဲညီရမယ်ပေါ့နော် အဲ့လိုနဲ့………………….
(အမှန်ကတော့ ချက်မယ်စဉ်းစားပြီးမှသေချာ သွားဝယ်တာမဟုတ်ပါဘူး ညနေက ရုံးကနေ ညနေစာ ခဏလစ်ပြီးကော်ဖီနဲ့ မုန့်သွားစားတုံးက TOPS ကုန်တိုက်မှာ ငါးတွေ့လို့စိတ်ကူးရတာပါ။ ငါးပေါင်းမယ်ဆိုရင် တရုတ်ရှေးဟောင်းနန်းတွင် ချန်ဂင် အဲလေ ရောကုန်ပြီ ငါးပေါင်းနည်းအမျိုးမျိုးရှိပါတယ်။ ငါးကြင်းမီးစတူးပေါင်း။ ငါးကြင်းဗိုက်သား ဆားငံသီးပေါင်း ကတ်ကတစ် သံပရာပေါင်း ကတ်တတစ် ဂျင်းမွှေးပေါင်း စသဖြင့်ပေါ့လေ
လီရှောင်ချမ်းကတော့ ဒီနေ့အတွက် ကတ်ကတစ် ကောင်းကောင်းလေး အကောင်အနေတော်တွေ့တာနဲ့ ကတ်ကတစ် ဂျင်းမွှေးပေါင်းလေးကိုသတိရမိတာပါ ကဲစလိုက်ကြစို့နော်

ပထမဦးဆုံး ငါးကိုဆေးကြောအူထုတ်ရပါမယ် (မပြောတော့ဘူးနော် မောင်လုပ်တာလို့ ခိုင်းတတ်တဲ့လူက ပိုတော်တာမှလား ဟီး) အံမယ် ချက်တာကတော့ လီရှောင်ချမ်း ကိုယ်တိုင်ချက်တာပါ အဲ့တာကျတော့ ပညာလိုသွားပြီလေနော့် ငှဲငှဲ ပထမ ပုံကိုကြည့်ပါ အူထုတ်ဆေးကြောပြီးတော့ ဆားနည်းနည်းနဲ့ နယ်ထားပါတယ် ပြီးတော့ ခရုဆီလေးနဲ့ ကျောရောရင်ကော ငါးကိုပယ်ပယ်နယ်နယ် နယ်ပါတယ်

ဒုတိယပုံကတော့ ငါးဗိုက်ထဲကို မနံအောင်ထည့်မယ့် အစာပလာတွေပါ ဘာတွေပါလဲဆိုရင် နာရီလက်တံလှည့်တဲ့အတိုင်း ဘိုလိုပြောရင်တော့ clockwise ပေါနော့်
၁) ဂျင်း (ပန်းကန်ထောင့်မှာ ပြားပြားလှီးထားပါတယ်)
၂)နံနံမြစ် (နံနံပင်ကိုအမြစ်ဖြတ်ယူလိုက်တာပါ)
၃) ကြက်သွန်ဖြူ ဥလိုက်ကို ဓါးပြားရိုက်ပါ
၎) ကြက်သွန်နီ ၈စိတ်လှီးပါ
၅) ကတော့ ဂျင်းနဲ့မတည့်တဲ့ မတည့်အတူနေ လင်မယား အဲလေ မိတ်သလင်ဖြစ်ပါတယ်

ဒီပုံလေးကတော့ ပေါင်းဖို့အသင့်ပြင်နေတာပါ ဘာပေါင်းမှာလဲသိတယ်နော် (လင်မယားတော့မဟုတ်) ငါးပါ

ဦးစွာပထမ လုပ်ဖွယ်ရာကတော့ ခွဲထားတဲ့ ဗိုက်ထဲကို မိတ်သလင်တွေ သွတ်ထည့်ပါမယ် ပြီးရင် ကြက်သွန်ဖြူနီတွေကိုဘေးကနေ ပုံပါမယ် နံနံမြစ်တွေကို ပုံပါမယ် ငါးပေါ်ကနေ ဂျင်းပြားလေးတွေကို စီလိုက်ပါ

ပြီးရင်တော့ နောက်တပုံထဲကအတိုင်း ခရုဆီ နည်းနည်းကို ငါးပေါ်ထပ် စမ်းပေးရပါမယ် ကြိုက်တတ်ရင် အချိုမှုန့် နည်းနည်းလေးဖြူးလိုက်ပါ နယ်တုံးကထည့်မနယ်ဘူးလေနော် အဲ့တော့ ဖြူးလိုက်ပါ (ဒေါ်ရီတာ ပြန်သွားချင်နေတဲ့မြို့ပေါ့ ဤကား စကားချပ်-စာရေးသူ)

ပြီးရင်တော့ အောက်ပါအရည်အချင်းနဲ့ပြည့်စုံတဲ့ ကောင်လေး အဲလေ……ဘာတွေရေးနေမိပါလိမ့်

အောက်ဖော်ပြပါပုံအတိုင်း ရေနည်းနည်းထည့်ထားတဲ့ အိုး (ပေါင်းအိုးမရှိလို့ ရှိတာနဲ့ကြံဖန်ပြီး လုပ်ထားတာ)ထဲကို အောက်က ပန်းကန်ခံပြီး ထည့်ပါ နောက် အိုးအဖုံးကို ဖုံးပြီးတော့ ၁၅ မိနစ် တိတိ (လုံးဝ မပိုရဘူးနော် sweetpeonyသတိ ကြာကြာပေါင်းရင် ငါးက လုံးဝ မာပြီး စားမကောင်းပါဘူး ကြက်ဥ ထက်ပိုဆိုးပါမယ်နော်)
ပေါင်းလိုက်ရင် အနံအရသာနဲ့ပြည့်စုံတဲ့ ငါးပေါင်တခွက်ရပါပြီ
(မှတ်ချက် ကတ်ကတစ် ကို အီးလို sea bass လို့ခေါ်ပါတယ်ဒီမှာ ဝယ်တော့ super market က giant sea bass လို့ရေးထားပါတယ် အြ့လောက်လဲမကြီးပါဘူး စကားမစပ် အဲ့ဒီ ဂျိုင်းယင့် ဆိုတဲ့စကားလုံးကိုတွေ့တော့ မောင်ဆုရှင်ရဲ့ “ပင်လယ်ပြာနဲ့ တံငါအို” ကိုသတိရတယ် အမှန်ကတော့ ဘာမှမဆိုင်ပါဘူး ကိုယ်လဲစာဖတ်ပါတယ်ဆိုတာ မသိမသာကြွားတာပေါ့နော့ မြန်မာပြည်မှာတုံးကတော့ ဈေးကဝယ်ရင် တီက ၁၅ ကျပ်သားအကောင်ရွေးဝယ်ပါတယ် အိုးနဲ့အနေတော်ဖြစ်အောင်ပါ မရရင်လဲ ၂၀ သားပေါ့ အရမ်းကြီးရင် ပေါင်းတာ မှန်းရခက်သွားရော။ ငါးပေါင်ရင်ဘယ်တော့မှ စလားဗီယားမသုံးပါနဲ့ ကတ်ကတစ်မရရင် ငါးကြင်းကောင်းပါတယ် ပေါင်ဖို့ စလားဗီယား က ရွံ့စော်နံပါတယ် ကြော်ရင်တော့ အိုကေပါတယ် ငါးမျက်ဆံနီ တို့ ကြောင်ငါး တို့လဲ အိုကေပါတယ်နော် ငါးမြစ်ချင်းကတော့ အရိုးများတယ်လေ နော့)
ဒါကတော့ တရုတ်ဟင်းနဲ့လိုက်အောင် အမြန်စဉ်းစားလိုက်ရတဲ့ သခွားသီး ဟင်းချိုရည်ပါ ဘာလို့ ဟင်းချိုရည်လို့ခေါ်ရလဲဆိုတော့ ရှင်းပါတယ် ဟင်းခါးမဟုတ်လို့ပေါ့နော် လွယ်ပါတယ် သခွားသီး ကို ပါးပါးဖြစ်ဖြစ် အတုံးလေးတွေဖြစ်ဖြစ် ကြိုက်သလိုလှီးပါ ရေဆေးပါ နောက် လိုသလောက်ရေထည့်ပြီး တည်လိုက်ရုံပါပဲ လီရှောင်ချမ်းကတော့ ဆားအချိုမှုန့်မထည့်ပဲ ဝက်မှုန့် နည်းနည်းပဲထည့်လိုက်ပါတယ် ဘေးကပုံကိုကြည့်ပါ မဲမဲလေးတွေက ငရုတ်ကောင်းမှုန့်ပါ ကြိုက်ရင်ထည့်ပါ ထည့်ရင်ပိုကောင်းပါတယ် အော်ပြီးတော့ ဒီမှာက အိုးအောက်ထဲရောက်နေလို့မမြင်ရတော့ဘူး ခုန က ငါးပေါင်းအစာပလာထဲက ဂျင်းဖတ်လေးတွေနည်းနည်းဖယ်ထားပြီးတော့ ထည့်လိုက်ပါတယ် မထည့်လဲရပါတယ် တီကတော့ တန်ပြန်ထားတာပါ သခွားသီးက “အအေးစာ”လေ အဲ့တော့ ဂျင်းနဲနဲပြန်ထည့်လိုက်တယ် ဟင်းရည်ထဲမှာ လီရှောင်ချမ်းက ကြက်သွန်ဖြူမထည့်ပါဘူးနော် ထည့်လိုက်ပြီး ငရုတ်ကောင်းနှိုင်းချင်းဆိုရင် အဲ့တာ ဟင်းခါးဖြစ်သွားပါမယ် ဘူးသီးလေးနဲ့ဆို ပိုဂွတ်ပေါ့

ဒါကတော့ ဟင်းနည်းနေမှာစိုးလို့ ထပ်ဆင့် အားဖြည့်လိုက်တဲ့ အားလူးဆီပြန်ပါ ပြန်ဖြစ်အောင်ပြန်လိုက်ပါသေးတယ်နော် ရွှေလေ ရွှေ နိုင်ငံခြားရောက်နေပေမယ့် ကိုယ့်အမျိုး ကိုယ့်ဟင်းမမေ့နိုင်ပါဘူး အားလုံးလဲ နိုင်ငံခြားမှာ သာနေချင်နေပါမယ် ဆီပြန်ကိုတော့ သတိရတာပဲမှလား ငါးကို ပြင်ရဆင်ရတာ နည်းနည်းမောသွားတဲ့အတွက် အားလူးကိုတော့အလွယ်တကာ့အလွယ်ပဲ လုံးချက်လိုက်ပါတယ် ကြက်သွန်ဖြူနီ ကြိတ်ပြီးသားကို ဟင်းချက်အစိမ်းမှုန့် ဆားအချိုမှုန့်နဲ့ ငံပြာရည်နည်းနည်းထည့်ပြီးနယ်ပြီးနှပ်ထားပါတယ်

ဟဲဟဲ ဘာလဲလို့ အံ့သြသွားတယ်မှလား ဘာမှမဟုတ်ဘူး လက်ဆေးရည် အဟေးဟေး ခုနက ကြက်သွန်ဖြူနီ ကြိတ်ဆုံထဲကိုရေနည်းနည်းထည့် မွှေလိုက်ပြီး ခုန အားလူးနယ်တဲ့ ပန်းကန်ထဲထည့်လိုက်တော့ ခုလို ဟင်းထဲထည့်ရမယ့် လက်ဆေးရည်တခွက်ကိုရတာပေါ့ကွယ် ခိခိ ပြီးတော့မှ ဘေးကပုံထဲကအတိုင်း ဆီနည်းနည်းထည့် မကပ်တဲ့အိုးကိုသုံးတာ အဲ့တာ တခုကောင်းပါတယ် ဆီနည်းနည်းပဲ ထည့်ရပါတယ်
လုံးချက်တာဖြစ်တဲ့အတွက်ဆီပူတာနဲ့ အာလူးနဲ့နယ်ထားတဲ့ ကြက်သွန်ဖြူနီတွေကိုထည့်လိုက်ပါတယ် ပြီးရင်ထုံးစံအတိုင်းမွှေးတဲ့အထိ တည်ပေးပါတယ် နောက်တော့ ခုနက လက်ဆေးရည်တွေကို ထည့်ပြီးရေခမ်းခါနီးအထိတည်လိုက်ပါတယ် အဲ့ခါကျတော့ မီးပိတ်လိုက်ပါ နောက်တော့ အိုးအပူရှိန်နဲ့ ဆီပြန်သွားရင် အာလူးဆီပြန်တခွက်ရပါပြီနော်

ဒါလေးကတော့တရုတ်ဟင်းလျာနဲ့တွဲဖက်စားသောက်စရာ မှိုကြော်လေးတခွက်ပါ ကြက်သွန်ဖြူနဲနဲ ငရုတ်သီး အစိမ်းတောင့်နဲနဲနဲ့ အရင်ဆီသတ်လိုက်ပါ ပြီးရင် ခုနက ရေဆေးထားတဲ့မှိုတွေနဲ့ တူတူဆီကျန်ရေကျန်လေး ကြော်လိုက်ရင် မှိုကြော်တခွက်ရပြန်တာပေါ့နော်

ဒါလေးကတော့ ခုနက ပေါင်းအိုးထဲကနေထုတ်ပြီးတော့ စားပွဲပေါ်တည်ခင်းထားတဲ့ ငါးပေါင်းပါ စားခါနီးကျတော့ နံနံပင် အုပ်လိုက်ပါတယ် ဘေးပုံက နံနံနဲနဲ ပြန်ဖွလိုက်တာပါ ဓါတ်ပုံရိုက်ပြီး ကြွား…..အဲလေ ပြရအောင် ငါးမပေါ်တော့လို့ ………….

မှိုကြော်နဲ့အာလူး ဆီပြန်ပါ

ဒါလေးကတော့ မောင်စားချင်တယ်ဆိုလို့ ခုနက ညနေဈေးထဲကနေဝယ်လာပေးတဲ့ ပုစွန် အစိမ်းသုပ်ပါ အကုသိုလ်တော့နည်းနည်းများပါတယ် ခုန်နေတဲ့ ရေချိုပုစွန်ဆိပ်အရှင် လေးတွေကို ပင်စိမ်းရွက် ပူစီနံ ကြက်သွန်မိတ် ရှာလကာရည် ငံပြာရည် ငရုတ်သီးမှုံ့ သံပရာသီးတို့နဲ့ နယ်လိုက်တာပါ နယ်နေတုံးတောင် ခုန်နေပါသေးတယ် တီက အဲ့ပုစွန်ဆိပ်လေးတွေထဲက အကောင်ခပ်လတ်လတ် သုံးကောင် ကိုမွေးဖို့ထုတ်ထားလိုက်ပါတယ်

ဘေးကခွက်က ခုနကတည်ထားတဲ့ သခွားသီး ဟင်းချိုပါ ငရုတ်ကောင်းနှိုင်းချင်းနဲ့ ပူပူလေးဖြစ်ပါတယ်

မယုံဘူးမှလား မယုံရင်ဒီမှာ ကြည့် မှန်ကန်မဝယ်ရသေးလို့ လောလောဆယ် ပလပ်စတစ် ပုံးလေးနဲ့ပဲထည့်ထားလိုက်တယ် အဟိ ဘာပဲ ပြောပြော အသက်၃ ချောင်းကယ်လိုက်ပြီ (စကားကပ်ပြောဖို့မကြိုးစားနဲ့ တီလုံးဝ အဲ့ဒီပုစွန်သုပ်ကိုမစားဘူး)

ဘာတွေလို့ထင်ပါသလဲ တီချမ်းရဲ့ ထမင်းစားအပြီး အချဉ်ပွဲပါ ဟုတ်ကဲ့ အချဉ်ပွဲပါ (အချိုမဟုတ်ပါဘူး)

ကဲဘာတွေလဲကြည့်ကြရအောင်နော် ပထမပန်းကန်ထဲကဟာတွေက ခုနက ကလောစ်ဝိုက်စ် အတိုင်းပဲနော်

အပေါ်ကပန်းရောင်ခွက်ကလေးက မက်မှုံသီးစေ့ နဲ့လုပ်ထားတဲ့ ဆားပါ အချိုရည်စိမ်ထားတဲ့မာလကာသီးနဲ့တွဲစားဖို့ပါ နောက်တခွက် ကပ်ရက်က ငရုတ်သီး အချိုမှုန့် ဆား အစုံနယ်ပါ ကြိုက်တာနဲ့တို့စားရပါတယ် နောက်တခွက်ကတော့ တီ့ စပယ်ရှယ် ငံပြာရည် ငရုတ်သီး စိမ်ပါ ငရုတ်သီး အကျက်မှုန့်ကို ငံပြာရည်ထဲမှာ စိမ်ထားတာပါ ငံပြာရည်ထဲကျသွားတဲ့ငရုတ်သီးမှုန့်တွေက သရက်သီးစိမ်းအချဉ်နဲ့အသေကောင်းပါတယ် လိုက်မှလိုက် ခုပြန်ရေးနေရင်းနဲ့တောင် သွားရည်ကျသေး အဟေးဟေး နောက်ဆုံးတခွက်ကတော့ ဆားနဲ့ သကြားနဲ့ ငရုတ်သီးမှုံနဲ့ပါ ခုန ဒုတိယတခွက်နဲ့ ဘာကွာလဲဆိုတော့ ခုနခွက်က တီတို့ ကိုယ်တိုင်လုပ်ထားတာပါ အချိုမှုန့်ပါပါတယ် ခုတခွက်က ရောင်းတဲ့လူပေးတာပါ အချိုမှုန့် မပါပါဘူး ပြီးတော့ ခုတခွက်က ဇီးဖြူသီးနဲ့ စားရင်ဂွတ်ရှယ်ပါ

အဲဘေးကတပုံကတော့ တီ့လုပ်ထားတဲ့ ရှမ်းပြည်ဘက်မှာစားတဲ့ အမှုံ့ပါ ငရုတ်သီး ဆား အချိုမှုန့် နဲ့ ပဲပုပ်ထောင်းထားတဲ့အမှုန့်ကိုထည့်မွှေထားတာပါ ကြိုက်တတ်တာနဲ့စားကောင်းပါတယ် ငါးကင်လေးနဲ့စားရင်လဲ အသေကောင်းတာပါပဲ လောလောဆယ်တော့ သရက်သီးစိမ်းနဲ့ စားပါမယ် ရှလွတ်…………….

ကဲအောက်မှာရှူ…………………………..

Clockwise အတိုင်းပဲနော် မာလကာသီး နှစ်မျိုးပါ အခွံပါတာက ရိုးရိုး အခွံခွာထားတာက အချိုရည်စိမ်
ပြီးတော့ ဆားရည်စိမ် ဇီးဖြူသီး နောက်တော့ သရက်သီး ………………ဒီလိုစားပါတယ်နော်

ကဲလီရှောင်ချမ်းရဲ့အရှူပ်အရှင်းတရုတ်ဟင်း အစီအစဉ် ဤတွင်ပြီးဆုံးပါပြီ

ကိုယ်စိတ်နှစ်ဖြာ ကျန်းမာ ချမ်းသာတော်မူကြပါစေရှန်…………………..
3:41 am
12th December 2009
home
bangkok

အချဉ်ပေါက်ခြင်း

ခုတလော ဘာရေးရမလဲပြတ်နေတာပါ တနေ့တနေ့ အိုင်ဒီယာ ကမထွက်ဘူးလေ ဒါပေမယ့် ခုတလောမှ ကိုယ့်ဘလောခ် ကိုလာလာလည်နေတဲ့ မမကြီးဆိုတဲ့ တယောက်နဲ့ စကား ပြော ဖြစ်ပါတယ် နောက်တော့ သူကလင့်ခ်ပေးလို့ ဘလောခ် တချို့ရောက်သွားတော့ ရေးချင်လာတာလေးတွေရှိလာပါတယ် အရင်တခါကလဲရေးဖူးပါတယ် ကြိုက်တဲ့လူတွေက အားပေးကြပြီး မကြိုက်တဲ့လူတွေ က ရှုံ့ချကြတဲ့ ပိုစ့်မျိုးပါ ထုံးစံအတိုင်းပေါ့ တီချမ်းက လူပြောမခံရရင် ထမင်း စားမဝင်ဘူးလေနော့ ဒေါ်ရီတာကတော့ ကြိုက်ပုံရပါတယ် တောင်းဆိုထားတာကြာပါပြီ အဲ့တော့ရေးဖြစ်တယ်ပေါ့နော် ခုတော့ အရင်ပိုစ့်က ဒီမှာပါ တီချမ်းအင်တာဗျူး ဆိုပြီးရေးခဲ့တာပါ ခုတော့ အင်တာဗျူးနောက်ဆက်တွဲ သို့အပိုင်းနှစ်လို့ပြောရရင်ရမယ်ထင်တယ်နော်………

တနေ့သောအခါမှာ ဘလောခ်စပေါ့ မဂ္ဂဇင်းတိုက်တွင်ထိုင်နေတုံး ဂျာနယ်လစ် မောင်မျိုးအား အယ်ဒီတာက ဟစ်ဖြစ်မယ့် စာမူမရှိဘူးလို့ခေါ်ဆူတဲ့ အတွက် တခါက ဗျူးထားတာ တော်တော်ကြာပြီဖြစ်တဲ့ ဘလောခ်လောက ပွဲဆူဘုရင်မ ဝတ်လစ်တလစ်ဗျူတီ (ပြောရဲတယ်နော်) တီတီချမ်း ကို ဗျူးဖို့သတိရမိပါတယ်။ မှတ်မိပါသေးတယ် အဲ့ဒီ တီချမ်း အင်တာဗျူးစာမူပါလာတဲ့ လတုံးက မဂ္ဂဇင်းစောင်ရေ ထိုးတက်သွားတာ မြန်မာပြည်က ကားဓါတ်ဆီဈေးတက်သလိုပါပဲ ၅ဆပါ ၅ဆ နော် ၅ဆ
အဲ့တော့လဲ မဂ္ဂဇင်းတိုက်က မရှိမဲ့ရှိမဲ့ ဆိုက်ကားလေးနဲ့ တီချမ်းရဲ့ ဘယ်ဗလီဟေးလ် မှာ ရှိတဲ့ အဆင့်လွန် ခေတ်ဆန် ဆင့်ဆင့်ဆန်း တိုက်ခံခြံ ကိုရောက်သွားပါတယ် အိမ်နေရင်း မပြင် မဆင်ဘဲ ကပိုကယိုလှနေတဲ့ တီတီချမ်းက ဗိုက်ကြီးသည် ဂါဝန်နဲ့ပါ အောက်ကလဲ လင်ဆေးလိုဟန်၊ ဘရစ်(တ)နီ လှံတို့ ပဲရစ်ဟီလ်တန်တို့ရဲ့ နောက်ဆုံးပေါ်ဖက်ရှင်နဲ့ဖြစ်ပါတယ်

ရောက်ရောက်ချင်း တီချမ်း ရဲ့ မန်နေဂျာ အကြံပေး စက်ကတ်ကြေး အိမ်တော်စောင့် ဒေါ်ရီတာ နဲ့တွေ့ရပါတယ် တီချမ်းကို အင်တာဗျူးချင်လို့ဆိုတော့ အပွိုင့်မန့် ယူထားလား လို့မျက်နှာထားနဲ့မေးပါတယ် မယူထားပါဘူးဆိုတော့ အဲ့တာဆိုရင် ၂၀၁၂ မှပြန်လာခဲ့လို့ ပြောပါတယ် အမ် ဘာလို့လဲဆိုတော့ တီချမ်း ရဲ့ ဒိတ်တွေအကုန်ပြည့်နေပြီလို့ဆိုပါတယ်
ကိုယ်ကလဲ ဘလောခ်စပေါ့အောင်မျိုးမှလား ဒီလိုအရေးတွေကြိုမြင်ပြီးသားပါ ဘလောခ် တကာလှည့် အရပ်တကာလှည့် ထီးဖြူပြီး ဖိနပ်ပါးလာတဲ့ကောင်ပဲ အသင့်ပြင်ပါလာတဲ့ လော်ရီရယ် ဆက်လိုက် ကိုထုတ်ပေးလိုက်တဲ့အခါ ဒေါ်ရီတာ ခမျာ လော်စပီကာလောက်နီးနီး
“ဟယ်…………………….”ဆိုတဲ့ အသံနဲ့ ရီဝေနေတဲ့ မျက်လုံးကိုပေကလပ်ပေကလပ် လုပ်ပြီး ရယ် လာပါတော့တော့ လော်ရီရယ် ဆိုတာ ဒါပါကလားလို့ အသိတိုး ရပြန်ပါတယ်
အဲ့တာနဲ့ပဲ တိုက်တဲ့ အအေးကိုသောက်ပြီးသကာလ တီချမ်းနဲ့တွေ့ခွင့်ရပါတယ် အော် ကျေးဇူးကြီးမားလေခြင်းနော်……………………..

အောင်မျိုး(ဘလောခ်စပေါ့ )= တီချမ်းခုတလော ဘာတွေလုပ်နေလဲကနေစရအောင်နော်?

တီချမ်း= အော်ကိုမျိုးရယ် ထွေထွေထူးထူးတော့လဲမဟုတ်ပါဘူး ခုတလော တီ နောက်ဆုံး ရေးတဲ့ “အညတရ” ဆိုတဲ့နာမည်နဲ့ ကဗျာလေးတပုဒ်ရှိတယ်လေ အဲ့တာ ထုတ်ဝေသူတွေ လိုက်နေလို့ တီက တီ့ကိုယ်ပိုင် “ချမ်း” စာအုပ်တိုက်ကပဲ တကမ္ဘာလုံး တဦးတည်း မူပိုင်ထုတ် ပါမယ် ဆိုတာမနည်းပြောယူရတယ် မကောင်းဘူးလေနော် (ဟင်းဟင်ဟင်း ဟု ညှင်းသွဲ့သွဲ့လေးသာယာစွာရယ်သည်) တီ့အမျိုးသားကတော့ ပြောပါတယ် နည်းနည်းလေးဖြစ်ဖြစ် မျှပေး လိုက်ပါလားတဲ့ တီကပြန်ပြောလိုက်တယ်လေ ပူလစ်ဇာ ဆုရတော့မယ့် ကမ္ဘာကျော်မယ့် ဂန္တဝင်တွင်မယ့် ပိုတန်ရှယ် ကဗျာ မျိုးကို ဒီလို လွယ်လွယ် ပေးလို့ရမလားပေါ့ သူကဘာမှ နားမလည်ဘူးလေနော် တီ့အမျိုးသားဆိုတာ ကလဲ ခုခေတ် ယောက်ျားအများစု လိုပဲ အိမ်ရှင်း ထမင်းဟင်းချက်ပြုတ် မီးပူတိုက် ကလေးထိန်းလောက် ပဲတတ်တာဆိုတော့လေ ပြီးတော့ တွဲဘက်ရေးဖော် မိဘုတ်ရန်ကလဲရှိသေးတယ်လေနော့ တော်ကြာ ဆုရတော့မှ သူလဲတူတူ ရေးတာပါဆိုပြီး လာလုနေတော့ ဘယ်လိုလုပ်မလဲနော် အဲ့တော့ တီကခုရှုပ်မှနောင်ရှင်း ပေတန် (patent) လုပ်ထားပါတယ်ပေါ့နော်

အောင်မျိုး(ဘလောခ်စပေါ့ )= နောက်ပြီး ခုတလော တီ့ဘလောခ်မှာ တနေ့ လူ ၃၀၀ ကျော်ဝင်တယ်ဆိုတာ ဟုတ်ပါသလား။ တီချမ်းလို စလစ်ဗရစ်တီ တယောက်က ပွဲဆူအောင် ဘယ်လိုများ လုပ်လိုက်တာလဲ ဆိုတာလေးလဲသိချင်ပါတယ်?

တီချမ်း= ပွဲဆူအောင်………………..? အိုကိုမျိုးရယ် မဟုတ်တာ တီက စလစ်ဗရစ်တီ မဟုတ်သေးပါဘူး အဟင်းဟင်း ဖြစ်ချင်ဖြစ် ဝတ်လစ်စလစ်ဗျူတီကမှနီးစပ်ပါသေးတယ် ( ဟု မျက်ခုံးလေးအားလှပစွာပင့်၍ လုံးဝ မသိနားမလည်သော အပြစ်ကင်းလေသံလေးဖြင့်) ဘယ်လိုများပွဲဆူအောင် တီလုပ်မိလို့လဲ ကိုမျိုးရယ် မဟုတ်တာ ညှင်းညှင်းညှင်း…အိုကိုမျိုးရယ် ကြံကြီးစည်ရာ တနေ့ လူ “၃၀၀ ကျော်” ဝင်တယ်ဆိုတာ ဟုတ်ပါတယ် ဒါပေမယ့် “တီလုပ်တယ်” ဆိုတာ မဟုတ်ပါဘူး ဘယ်လို ပြော ရမလဲ တီ့မှာ တီ့ကို obsessed ဖြစ်နေတဲ့ စာဖတ်သူတယောက်ရှိတယ် သူကလုပ်ပေး တာပါ။ တိုက်ရိုက်တော့ မဟုတ်ပါဘူး။ သူက တီ့ဘလောခ်ကိုနေ့တိုင်းလာတယ် လာသမျှလူတွေနဲ့ ဒိုင်ခံရန်ဖြစ်ပေးတယ်။ ပြည်သူ့မေတ္တာခံယူတယ်။ မလာပါနဲ့လားဆိုတော့လဲသူမနေနိုင်ပြန်ဘူး။ ဟော ခုဆိုရောဂါကဘယ်လောက်ထိရင့်လာသလဲဆိုရင် ဘလောခ်ဖွင့်ပြီး တီ့အကြောင်း ရေး တယ်။ အဲ့လောက်ကိုဖြစ်နေရှာတာပါ။ ဒါပေမယ့် ခုလိုလူဝင်များတာ သူ့ကြောင့်လို့တော့ ပြောလို့ရမယ် သွယ်ဝိုက်ပြီး တော့ပေါ့။ တီကျေးဇူးတင် ထိုက်သူပေါ့ နော်။

အောင်မျိုး(ဘလောခ်စပေါ့ )= ပွဲဆူအောင်နဲ့ ပတ်သက်ပြီး ခုလက်ရှိ ဘလောခ်လောက ကိုဘယ်လိုမြင်ကပါသလဲ?

တီချမ်း= အင်းအဲ့တာနဲ့ပတ်သက်ပြီးနည်းနည်းပြောချင်နေတာ။ မေးမှမေးပါ့မလားလို့…..
ခုတလော ဘလောခ်လောက မှာ လူတွေလူတွေ ဘိုင်ပိုလာ ဖြစ်တာပိုများလာသလိုပဲ (ဘလောခ်စပေါ့ မဂ္ဂဇင်းမှာ မောင်မျိုး ခေါင်းတငြိမ့်ငြိမ့်နဲ့နားထောင်နေသည်။ တော်သေးတယ် ဘိုင်ပိုလာဆိုတာ ဘာလဲမမေးလို့ဟု တီချမ်းမှ အင်တာဗျူးဖြေနေရင်းတွေးသည်။ ကိုယ်က ကြားဖူးနားဝနဲ့ဆော်လိုက်တာ စကားတလုံး ဘာပဲပြောပြောလူအထင်ကြီးတာပေါ့) ဘယ်လိုလဲ ဆိုတော့ ခါတိုင်းအချစ်အကြောင်းဘာအကြောင်းရေးနေတဲ့လူကလဲ ဘလိုင်းကြီး ထပြီး နိုင်ငံရေးအကြောင်းရေးလိုရေး။ ပွဲဆူအောင် လုပ်တာပေါ့လေ။ ဟော ခုတလော ဘလောခ် လောကမှာ ခွေးရူးတွေလဲ တော်တော် ပေါလာတယ် စည်ပင်က အမဲတုံးမပစ်တော့ တွေ့ကရာလူတွေကိုလိုက်ကိုက်တာပေါ့။ အဲ မိန်းကလေးတွေရဲ့ ဘလောခ်တွေကိုလဲသွားပြီး အယုတ်တ အနတ္တတွေကိုနှမချင်းမစာနာ ရေးတဲ့ ယောက်ျားဆိုတဲ့လူတန်းစားတွေ (အဲ့လူ တွေက ယောက်ျားဘလောခ်ဂါတွေဆီကျတော့ သွားမရေးရဲဘူးလို့ ဆိုတဲ့သူတွေကဆိုတယ် သူတို့ကို… xxx … လုပ်လိုက်မှာကြောက်လို့တဲ့လေ) တရားပဲကျရသေးတော့နော်၊ နောက်တခါ သူတို့ကို သူတို့ ဘလောခ်ဂါဝေဖန်ရေးဆိုတဲ့ တကျွန်းပြန်လိုလို အမှောင်ကမ္ဘာ ဘက်တော် သားလိုလို လူတန်းစားတရပ်လဲပေါ်ထွန်းလာသေးသတဲ့။ ဟောတချို့များဆိုရင် အိတ်ဖွင့်ပေးစာ ဘာညာရေးရတာ အားမရလို့ ဘလောခ်တောင်ဖွင့်ပြီး ပါဆင်နယ်လီး အတက်ခ် (ပုဂ္ဂိုလ်ရေးအရ တိုက်ခိုက်တာအထိတောင်လုပ်ကြသေး) မိန်းမမို့မိန်းမလိုမိန်မရ လုပ်ရင်ထားပါတော့ တချို့ယောက်ျားရင့်မာကြီးတွေကလဲ ဒါမျိုး လုပ်တတ်တယ်နော်၊ ဟင်းဟင်း နောက်ဆို တီတို့အတွက်တောင် ထမိန်တွေ စကပ်တွေရှားလာဖွယ်မြင်တယ်။ ဟောခုတခါ ကျတော့ နောက်ဆုံးပေါ်ပဲ တီတွေ့တာ သူငယ်ချင်းအချင်းချင်း ဖဲ့တယ် ဘာညာ ဆိုပြီးတော့ လူတကာ မကောင်းကြောင်းတွေအလှည့်ကျရေးကြတယ်။ နောက်တမျိုးတဘာသာကလဲ ရှိသမျှလူတွေကို သနားအောင် ပတ်ချွဲနပ်ချွဲတွေပြော။ ရှိသမျှလူတကာ ချစ်ချစ် ချစ်တဲ့ ကိုကို မောင်မောင် ကိုကို မောင်မောင်ချစ်တဲ့ ချစ်ချစ် စသဖြင့် ချစ်ချစ်ချင်း မွှန်အောင်ခေါ် အဲ့လို ထွေထူးအံ့ရာသော် ဆိုတဲ့ လူတွေလဲရှိကြသေးတယ်လေ။ မြန်မာ့ဂီတ လောကနဲ့ နှိုင်းယှဉ် ပြရရင် ရဲလေးလိုပေါ့လေ (စကားချပ်)။ နောက်ဆုံးတော့လဲ လူတွေကိုပဲ လိုက်ကိုက်ကိုက်၊ သူငယ်ချင်းကိုပဲဖဲ့ဖဲ့၊ နိုင်ငံရေး ရေးပြီးတော့ပဲ ပွဲဆူအောင်လုပ်လုပ်၊ ငြင်းငြင်း၊ ကိုယ်ပိုင်ဘလောခ်ဖွင့်ပြီးတော့ပဲ ပုဂ္ဂိုလ်ရေးတွေဆော်ဆော် ပတ်ချွဲနပ်ချွဲလုပ်ပြီးရေးရေး၊ အားလုံးက ကိုယ်သန်ရာသန်ရာ လုပ်ပြီး နောက်ဆုံးမတော့ နာမည်ကြီးချင်တာပါပဲ
အဲ့တော့ တီလေ့လာကြည့်တယ် သုံးသပ်ကြည့်တယ် စဉ်းစားကြည့်တယ် ဝေဖန်ပိုင်းခြား ကြည့်တယ် ဘာလို့များ အဲ့လို ဇာတ်လမ်းတွေ ရှည်နေရတာလဲပေါ့နော် နာမည်ကြီးချင်တာများ တီ့လို ကိုယ်တုံးလုံးပုံတွေဘာတွေတင်လိုက်ပြီးရောနော့ တခါတည်း နေ့ချင်းညချင်း နာမည် ကြီးသွားမယ် ပရိုဖိုင်းတွေဘာတွေသေချာမဖတ်ဘဲနဲ့တောင် နှာဗူးမကြီးဘာညာ ဘွဲ့ တွေ ဘာတွေရသွားနိုင်တယ် အဲ့လူမုန်းတော့ နဲနဲခံရမှာပေါနော် အမှန်တော့ မုန်း တယ်ဆိုတာကိုက ဆိုက်ကိုလောဂျီသဘောအရ ချစ်တာတမျိုးပဲမဟုတ်လား အဲ့လိုပေါ့နော့ တီတွေးမိတာလေးတွေပါ
နောက်တခု ဘာကိုသွားတွေ့လဲဆိုတော့ တီတို့လူတွေ ခုတလောပြောပြောနေကြတဲ့ ဘာတဲ့ ဒီမိုကရေစီပေါ့လေ (တီနားလည်တာကတော့ ဟိုမိုကရေစီ ပဲ ဒီမို မဟုတ်ဘူး ဟိုမို အဲ့တာကမှအမှန် ဟိဟိ ကြော်ညာ ကြော်ညာ) အဲ့တာကို ပါးစပ်မှာ အာဂုံဆောင်ပြီးတော့ လုပ်ချင်တာလုပ်နေကြတာပဲ။ အဓိက ကတော့ မြန်မာပြည် အပြင်ဘက် ကိုရောက်နေကြ တယ်ကွယ်၊ မီးမှန်မှန်လာတယ်ကွယ်၊ အင်တာနက်လွယ်လွယ်သုံးရတယ်ကွယ် ဘာလုပ်လုပ်အဖမ်းမခံရဘူး အမေကြီးကား လိုနေရာရောက်နေရင် အဖမ်းခံ ရနိုင်ခြေရှိတာနဲ့တင် အဆိုင်လမ် တွေဘာညာ အော်ပြီးတော့ အစိမ်းရောင်ကဒ် ရနိုင်ကြတာကိုး။ ကဲဒီလိုလူမျိုးတွေမှ လုပ်ချင်တာမလုပ်ကြရင်ဘယ်လိုလူမျိုးတွေလုပ်မလဲနော့။ ဘာပဲဖြစ်ဖြစ် ၂၀၁၀ အကြို ဟိုမိုကရေစီ ကိုစတင်ကျင့်သုံးလာကြတာကောင်းပါတယ် မဲပေးနည်းလေးတွေတချို့ဘလောခ်တွေမှာထည့်ထားတာတွေ့ရတယ် ကြိုက်မကြိုက် ဘာညာပေါ့ အဲ့စနစ်လေးတွေကိုလဲ ၂၀၁၀ အတွက် ပွဲမဝင်ခင်အပြင်ကကျင်းပဆိုသလို တကယ့်ကိုအပြင်မှာ ရှိနေတုံး လွတ်လပ်တုံးလေး တွင်တွင်ကျယ်ကျယ် တင်ကြိုကျင့်သုံး လာကြရင် ကောင်းမယ်ထင်တယ်ကွယ်

အောင်မျိုး(ဘလောခ်စပေါ့ )= အင်းအဲ့လိုတရှည်တဝေးရှင်းပြပြီးတဲ့အခါမှာ အနှစ်ချုပ်အနေနဲ့ကော တခုခုပြောပါအုံး?

တီချမ်း= အင်းအနှစ်ချုပ်အနေနဲ့က တီစဉ်းစားကြည့်တယ် စာရေးတယ်ပေါ့နော် တချို့ ကလဲ ဝါသနာပါလို့ရေးတယ်၊ တချို့ကလဲ စာရေးဆရာတကယ်ဖြစ်ချင်လို့ ကလောင်စမ်းတဲ့ အနေနဲ့ ရေးတယ်။ တချို့ကလဲ ဘလောခ်ဆိုတာ ကိုယ်တိုင်တည်း ဖြတ်မဂ္ဂဇင်းလို ချက်ချင်း ပရိတ်သတ်ရဲ့ ဝေဖန်ရေးကိုရတယ် ဘာညာပေါ့
တချို့ ဘလောခ်ဂါလေးတွေရှိပါတယ် တော်တော် အနေတတ်တယ် ဘယ်သူတွေဘာဖြစ်နေနေ သူတို့ဘာသာ သူတို့ စာပဲပုံမှန်ရေးတယ် ကြားနေပေါ့။ တချို့ကျတော့လဲ ဘက်လိုက်ပြီး ရန်ဖြစ်ပေးကြတယ် အဂတိပေါ့ တချို့ကကျတော့ အသေကိုဖဲ့တာ တကယ့်ကို့ပဲ အာဂါတပေါ့ အမျိုးစုံပါပဲတွေ့ရပါတယ်။ တချို့ကျတော့လဲ ငြင်းခုန်ရတာ ဝါသနာပါတယ်လို့ကိုပြောပြီး ချဲပါတယ် တီကလဲတရား သဘော တွေကိုနားလည်လွန်းလို့ပြောနေတာမဟုတ်ပါဘူး လူတွေရဲ့သဘော လူတွေရဲ့မနော ကို စောကျော်ကြည့်တာပါ။ တီလဲမလွတ်ပါဘူး ဒီထဲက တမျိုးမျိုနဲ့တော့ ညိတာပါပဲ။ အဲ့တော့ တီကမနေတတ်တဲ့လူတွေထဲမှာပါတာပေါ့။ အဲ့တာကြောင့်လဲ ဒီအင်တာဗျူးကိုလက်ခံတာပါ။ ပြောချင်နေတာလေးတွေရှိသေးတယ် ဘာလို့ ကိုယ်တိုင်ကကောင်းမနေဘဲနဲ့ သူများလိုက်ပြောနေတာလဲလို့မေးရင်လဲ တီ့အလုပ်ကအဲ့တာပဲလေ ကိုယ်ကတော့အနေအထိုင်မတတ်ဘူး လျှပ်ပေါ်လော်လီ နေမယ် သူများတွေကိုတော့ စကပ်တိုတယ် ဘာညာ လိုက်ပြောမယ် အဲ့တာကို လူပီသတယ်လို့မြင်တယ်။ ခုတော့ ဒီလောက်ပါပဲ။ နောက်ကြုံတော့ ပြောပါအုံးမယ်။