နေစာလှုံခြင်း


နေစာလှုံခြင်း

ကျမက စာအုပ်တအုပ်ကို ဖတ်နေအတွက်…
“အဖေ က
သူ့သားကို အချက်ပေးလိုက်တဲ့ တဏှာဆန်ဆန်
မီးတောက်နေတဲ့
အကြည့်တွေကို…”
မြင်မှာမဟုတ်ဘူးလို့
သူထင်နေတယ်

အဖေ က
ကျမရဲ့ ရင်သားတွေကို
စိုက်ကြည့် ခံစားပြီး
သူ့ ဆယ်ကျော်သက် သားနဲ့ ရင်းနှီးအောင်လုပ်တဲ့နေရာမှာ
ကျမရဲ့ လတ်ဆတ်အသားဆိုင်တွေပေါ်က
မျက်လုံး နှစ်စုံကို
ကျမ ခံစားမိမှာ
မဟုတ်ဘူးလို့
သူထင်နေတယ်

I read a book,
and the man thinks I cannot see
the wrinkled posture of his son
as he is nudged.

He thinks I cannot sense
four eyes upon my flesh,
as the father tries to bond with his teenage boy
by ogling my breasts.

Jewel kilcher

Translated by
A Chen
12:13 am
22nd November 2009
Home
Bangkok

ည နဲ့ ဘဝ

ည နဲ့ ဘဝ

အထီးကျန်တဲ့ငါ
အထီးကျန်မြို့တော်ကြီးထဲမှာ
ဝေ့လည်လည် လျှောက်လှမ်းလို့

နေ့တိုင်းမပြောင်းလဲတဲ့
ဘဝကို
ယေဘုယျ ကျကျဖြတ်

နေ့ရက်တွေက
ရိုးလွန်းပေမယ့်
စောဒက တက်စရာ
အကြောင်းအရာကမဲ့
ဘဝကအဲ့ဒီလိုပဲ…တဲ့

အထီးကျန်တဲ့သူက
ဘာသာအထီးကျန်

ငေးမောနေတဲ့သူတွေကလဲ
ဘာသာငေးမော

အထီးကျန်ကျန်နဲ့
ငေးမောနေတဲ့သူ
ငါကတော့……
သြော်
ငါ့ဘဝပါလား….

A Chen
11:27 pm
21st November 2009
Home
Bangkok

speechless

ချစ်တဲ့သဲ

မင်းအရိပ်လေးငေးမိရုံနဲ့
ငါ့အတွေးတွေအကုန်ယူသွားတတ်သူ
ယုံကြည်မှုဟာမင်းခြေလှမ်း
မင်းလမ်းလေးအပေါ်
ဖြန့်ခင်းလဲလျောင်းပေးလိုက်စရာ
ငါ့မေတာတရားသာစိမ်းခဲ့
ငါ့ကိုငါရုပ်သိမ်းလို့မရနိုင်
မင်းအတွေးနဲ့ဝေးဝေးမှာ
ငါကလွမ်းဖျားလွမ်းနာကျ
ရှင်သန်ခြင်းဟာ
ချိုမြိန်ဖို့အတွက်မင်းရှိနေမှဖြစ်မယ်
ခုချိန်မင်းရဲ့အိပ်စက်ခြင်းအပေါ်
လေညင်းလေးတစ်စဖြာကျရုံပဲဖြစ်ဖြစ်
ငါ့မေတာကိုမင်းရစေချင်တယ်
ငါကဘ၀နောက်ပြေးလိုက်ရတဲ့သူ
ငါလဲရင်ငါ့ဘာသာထူရတယ်
လောကဓံကိုမျက်ရည်ခံထိုးဖို့အတွက်
တူနှစ်ကိုယ်တဲအိုပျက်လေး
မဖြစ်သင့်ဘူးလေ။

သဲကိုအရမ်းလွမ်းတယ် 103း0 နာရီ ဆေးတိုက်ရတယလည်းလွမ်းတယ် ကော်ဖီဖျော်တိုက်ရတာလည်းလွမ်းတယ် ထမင်းဟင်းအတူချက်စားတာကိုလည်းလွမ်းတယ် အတူတူရုပ်ရှင်ကြည့်တာကိုလည်းလွမ်းတယ် တစ်ခါတစ်လေစကားများတာကိုလည်းလွမ်းတယ် မတွေ့ဖြစ်တဲကအချိန်တွေမှာဘာဖြစ်လို့အလွမ်းတွေပဲပေးထားရတာလဲသဲရာ အခုတော့သဲနဲ့ပတ်သက်တဲ့အရာတွေမှန်သမျှ မောင့်အတွက်လွမ်းစရာတွေချည်းပါပဲ သဲပေးထားတဲ့ကဗျာတွေမောင်တို့နှစ်ယောက်ဓာတ်ပုံတွေပြန်ပြန်ကြည့်ဖြစ်တယ် သဲကိုလွမ်းတိုင်းလေကျန်းမာရေးကိုဂရုစိုက်ပြီး စိတ်ပျော်အောင်နေပါ
သဲဘေးမှာမောင်အမြဲရှိနေတယ်

အရမ်းချစ်တယ်
မောင်

my guilt

တခါတခါကျ
ဘာပြောရမှန်းတောင်မသိဘူး
ကိုယ့်ကိုယ်ကို အပြစ်ရှိတယ်လိုလဲခံစားရတယ်
ဒါပေမယ့် ကိုယ်ဘာမှမတတ်နိုင်ဘူးလေ
ကိုယ်ကတော့
taking as granted ပေါ့
ကိုယ်က အနိုင်ပဲလိုချင်တယ်
ကိုယ်အရှူံးပေးရမယ့် လူကို
ကြာကြာမချစ်ချင်/နိုင်ဘူး

ဒါကိုယ့်ရဲ့ သဘာဝပါ

ငါ့ရဲ့ ၂၀၁၂

ငါ့ရဲ့ ၂၀၁၂

ဥပမာ…
ငါဟာ ငါ့ဝင်ရိုးအတိုင်း
၁၁ ၄ ပိုင်း ၃ ပိုင်း ဒီဂရီ
စောင်းပြီးလည်နေတယ်ဆိုပါတော့

ငါ့အသားနဲ့အရိုးတွေဟာ
ကုန်းမြေတွေဖြစ်ပြီးတော့
ငါ့အသွေးတွေကတော့
ရေပြင်တွေဖြစ်မယ်

ငါ့မှာ အမြဲအဟုန်တွေနဲ့
ပေါက်ကွဲဖို့အဆင်သင့်ဖြစ်နေတဲ့
ဒေါသ ဆိုတဲ့
မီးတောင်ရှင်တခုလဲရှိသေးတယ်

ပြီးတော့ (လောလောဆယ်)မှာတော့
အမြဲစိမ်းတောတွေလို
နက်မှောင်နေတဲ့ ကေသာနက်နက်တွေရှိပေမယ့်
(နောင်မကြာတော့မယ်ကာလတခုမှာ)
ခြောက်သွေ့တောတွေလို့သူတို့တွေကိုခေါ်ရတော့မယ်

ပြီးတော့ အရာရာ ကို
အလေးနက်မထားသလို
ဘာကိုမှထဲထဲဝင်ဝင် မခံစားတတ်သလို
နေတတ်တဲ့
မြောက်ဝင်ရိုးစွန်းရေခဲတောင်ဒေသဆန်ဆန်
နှလုံးသားတခုလဲရှိသေးတယ်

ငါ့ရဲ့ ရှိူက်ဖိုကြီးငယ်အသွယ်သွယ်ကတော့
တောင်တန်း၊ တောင်ကုန်း၊ တောင်ကြားနဲ့
လျှိုမြောင်၊ ချိုင့်ဝှမ်းတွေပေါ့ကွယ်

တကယ့်ကို တခါတခါဆိုတဲ့
တခါတခါမှသာ
ရေလေးစပ်စပ်စီးဆင်းတတ်တဲ့
သဲချောင်းကောလေးနှစ်ခုနဲ့
ရေတွေ အမြဲမြင့်ရာကနေနိမ့်ရာခုန်တဲ့
ရေတံခွန်အသေးလေးတခုလဲရှိသေးတယ်

ပြီးတော့ ဘာထည့်ထည့်ဝါးမြိုပစ်တတ်တဲ့
ဘာမြူဒါ တို့ တွင်းနက်ကြီးတို့ထက်
ပိုကြောက်စရာကောင်းတဲ့
တွင်းကြီးတတွင်းလဲရှိသေးတယ်
သူရဲ့ထူးခြားချက်က
ရေဝဲတို့
လေဆင်နှာမောင်းတို့လိုပဲ
သူမကြိုက်တာတွေကျတော့
ပြန်အန်ထုတ်ပြန်သေးတာလေ

အဖျားတက်ရင်ပူတဲ့
ငါ့ခန္ဓာက နွေရာသီပေါ့
ချွေးတွေနဲ့ ရွှဲရွှဲနေတတ်တာက
မိုးဥတုလေ
တခါတခါခိုက်ခိုက်တုန်အောင်
ချမ်းတတ်တဲ့ ဆောင်းလဲရှိသေးရဲ့

အီကွေတာလိုအမြဲပူနေတာကတော့
ငါ့ရဲ့ချစ်တတ်တဲ့စိတ်ပါ

တခါတခါ ပင်မကမ္ဘာကြီးနဲ့
အဆက်သွယ် ပျက်ပျက်သွားတတ်တဲ့
တောင်ဝင်ရိုးစွန်းကတော့
မကြာခဏ ထုံထုံပြီးအသိမဲ့သွားတတ်တဲ့
ငါ့ရဲ့ခြေချောင်းကလေးတွေပေါ့

ကဲဒီလိုနဲ့တနေ့မှာ
ငါ့ရဲ့ဝင်ရိုးကနေ
ငါဟာ(လိုအပ်တာထက်ပိုမို)
တိမ်းစောင်းလည်ထွက်သွားလို့

ဝုန်း
ဒုန်း
အုန်း
(မြည်သံစွဲများ)

ရေတွေက ကုန်းတွေဖြစ်
ကုန်းတွေကရေတွေဖြစ်
မြေလွှာတွန့်ခေါက်တွေ
ပြတ်ရွေ့တွေကြောင့်
ငါ့ရဲ့ ရှိူက်ဖိုကြီးငယ် အသွယ်သွယ်ကလဲ
နေရာတွေလွဲမှား…..
ချိုင့်တာတွေချိုင့်ခေါက်တာတွေခေါက်
ဖောင်းတာတွေဖောင်း
၉ ဒဿမကျော်ကျော်ရှိတဲ့ ငလျင်ကြောင့်
ငါ့ခန္ဓာကိုယ်ကြီးလဲသွက်သွက်ခါ
တော်ပြီတော်ပြီ
မင်းပဲဆက်စဉ်းစားတော့
ငါကတော့
ဘယ်သူဘာပဲပြောပြော

၀၁ ရက် ၀၁ လ ၀၀၀၁ ခုနှစ်ကနေ
ပြန် “စ”နေပြီ

A Chen
05:16 pm
18th November 2009
Anteenee hotel
Bangkok

မွေးနေ့မှာကျွေးတဲ့ ကြာဇံချက်

ကဲ ကဲ ကဲ
ကတိပေးထားတဲ့အတိုင်း မွေးနေ့မှာ ချက်ကျွေးတဲ့ ကြာဇံချက်ပါ အရပ်ကတို့

ပထမဆုံးပြောချင်တာက ဒီနှစ်မွေးနေ့ က ၂၈ နှစ်မြောက်ပါ အဲ့တော့ ၄ နှစ်တခါ ဖြစ်တဲ့အတွက် ၇ နှစ် ၄ လီ နှစ်ဆယ့်ရှစ်ပါ အဲ့တော့ ဘာဖြစ်သလဲ ဘာမဖြစ်ပါဘူး မွေးနေ့မွေးရက်ကိုက်တာပေါ့နော့ တနင်္ဂနွေသားလေးပါတော်

ကောဇာသက္ကရာဇ် နဂါးခေါင်း မြောက်ဘက်လှည့်တဲ့အချိန်မှာမွေးတဲ့ ဘင်္ဂါဘွား (ဖင်ကဖွား)တနင်္ဂနွေသားနေတက်ရေတက် လေဂျင်တက် (အေ့……) အဲလေ ဆရာသော်တာဆွေ နဲ့ရောသွားပြီ

ကဲလေထားပါတော့

ဒုတိယအနေနဲ့ပြောချင်တာက မျက်နှာစာ စာမျက်နှာကနေ ဆုတောင်းပေးကြတဲ့လူတွေ အီးမေးလ်ကနေ ဆုတောင်းပေးကြတဲ့လူတွေ အားလုံးကိုကျေးဇူးတင်ပါတယ်

အီးမေးလ်ကနေ ဆုတောင်းပေးကြတဲ့ထဲက တီ့အကြိုက်ဆုံးက အမ တယောက်ရဲ့ဆုတောင်းပါ ဒီမှာဖတ်ကြည့်ကြပါအုံး တီ ကြိုက်လို့ပြန်တင်ပေးလိုက်တယ် ကူးထားလို့လဲရတယ် နောက်တခြားလူကို ရေးပေးလို့ရတာပေါ့

Happy Birthday, my dear BIS!InboxXHey,I know it’s a day early but as I will not be able to use internet tomorrow (Sunday), I wanted to make sure that you get your wish from me.So,where do I start? I don’t want the usual “many happy returns blah blah blah”. They sound so inadequate compared to what I want to say. First off, I thank your parents for giving birth to you on this special day. Second off, I thank my luck that I get to meet you and we become close friends. Third off, I thank you for all your support and friendship through good and bad times. Lastly, let’s continue to take care of each other whatever the futurebrings and we will still be together (at least in spirits, if not indistance) for many years to come.
Love and kisses, mkxoxoxoxoxoxoxကဲအဲ့တော့ အားလုံးကိုကျေးဇူးတင်တဲ့အနေနဲ့ ကြာဇံချက် ချက်ကျွေးတာပါ

တီ့ဘလောခ့် ချစ်သူတွေ အားလုံး၊ လာလည်နေကြလူတွေအားလုံးကိုလဲ ဖိတ်ကျွေးပါတယ်နော်

ပထမဆုံး ကြက်ပေါင် (ကြက်တကောင်လုံးရဲ့လေးပုံတပုံ)ကို ကြက်သွန်ဖြူနီ တွေနဲ့ပြုတ်ပါမယ် အသားရည်တွေချိုလာတဲ့အထိ ပြုတ်ပေးပါ ဆားအချိုမှုန့် သင့်ရုံထည့်လို့ရပါတယ် ပြီးတော့ ဆူပြီး အသားရည်ချိုလာပြီဆိုရင် ခဏအိုးကိုချထားပြီး ပေါင် ကို အသားနွှင်ပါမယ် အောက်မှာပြထာတဲ့အတိုင်းပါနော်
အသားနွှင်ပြီး ကျန်နေတဲ့အရိုးကိုတော့ ဟင်းရည်ပိုချိုအောင် ပြန်ထည့်ပြုတ်ပေးပါ။

နောက်တဆင့်ကတော့ ကြာဇံဟင်းထဲထည့်မယ့် အစာပလာ အကုန်လုံးကို ဒီလိုလေးတင်ကြိုရေစိမ်ထားပါမယ်
ဘယ်ဘက်က ပုံကတော့ ပန်းခြောက်နဲ့ ပဲပြားခြောက်ပါ ညာဘက်ကပုံကတော့ ကြွက်နားရွက် လို့ တချို့ က ခေါ်တဲ့ မှိုခြောက်ပါ ရေစိမ်ထားပါမယ်

အောက်ကပုံကတော့ ကြာဇံပါ ရေစိမ်ထားပါမယ် တပြိုင်တည်းမှာပဲ ကပ်ကြေးလေးနဲ့ ညှပ်ထားပေးပါ မဟုတ်ရင် အရှည်ကြီးဖြစ်နေပါမယ် အဲ့တာကြောင့် ကပ်ကြေးလေးနဲ့ ကိုက်ထားပေးရင် အဆင်ပြေပါမယ်

နောက်အဆင့်အနေနဲ့ကတော့ ခုနက ပြုတ်ထားတဲ့ကြက်ပြုတ်ရည်ထဲမှာ ရေစိမ်ထားတဲ့ ပန်းခြောက်နဲ့ ပါးပါးလှီးထားတဲ့ ပဲပြားခြောက် မှိုခြောက်စတာတွေကိုထည့်ပြီး ဆူအောင်ထပ်တည်ပေးပါမယ်

ပြီးရင်တော့ ကြဇံချက်လေး အရောင်လှဖို့အတွက် အရောင်တင်ဆီမှုန့်ကို ဆီသတ်ရပါမယ်
ဆီပူအိုးလေးတည်ပြီး အရောင်တင်ဆီမှုန့်ကိုထည့်လိုက်ပါ ခဏလေးဆိုရင် ရပါပြီ

ပြီးရင်တော့ အဲ့ဒီဆီသတ်ထားတဲ့ အရောင်တင်ဆီကို ခုန က တခါ ပြန်ဆူအောင်တည်ထားတဲ့ အသားပြုတ်အိုးထဲထည့်ပါ ပြီးရင် ခုနက ရေစိမ်ထားတဲ့ ကြာဇံတွေကိုထည့်လိုက်ပါမယ် ကြာဇံထည့်လိုက်ရင် ရေတွေက ခဏအေးသွားတဲ့အတွက် ပြန်ဆူအောင်တည်ရပါမယ်

နောက် ငရုတ်ကောင်းမှုန့် ကြိုက်တတ်ရင် ထည့်ပါ တီကတော့ ကြိုက်တဲ့အတွက် များများ ပိုထည့်ပါတယ်

နောက်တခါ ပြန်ဆူပြီဆိုရင်တော့ အချို အငန်အပေါ့ မြည်းပေးပြီးတော့ အိုးဆူရင် ချလို့ရပါပြီ

ဒါကတော့ ဆူပြီးအသင့်စားသုံးရန်အသင့် ကြာဇံချက်လေးပါ

အောက်ကတော့ နံနံပင် ငရုတ်သီးမှုန့် သံပရာသီးစိပ်ကလေးတွေပေါ့

ကဲ တီ့လိုပဲ အောက်ကလို ချဉ်ချဉ် ငံငံ စပ်စပ်ကလေးထည့်စားကြနော်

ချွေးလေးတွေထွက်သွားအောင်
ရှူးရှဲစပ်ပေါ့

အားလုံးအတွက်

ချစ်တီချမ်း

မင်းရဲ့အထိအတွေ့တွေကိုလွမ်းလိုက်တာ

မင်းရဲ့အထိအတွေ့တွေကိုလွမ်းလိုက်တာ

မင်းရဲ့ အေးစက်စက်အထိအတွေ့တွေကိုလွမ်းလိုက်တာ
နေရာပြောင်းရွေ့လာတဲ့ ငှက်တွေလိုပဲ
ငါ့ရဲ့ ရင်သားတွေပေါ်မှာ
ခဏတာလေး အသိုက်ဆောက်လို့ပေါ့

နောက်တော့…
ငွေရောင်လျှပ်သလိုပဲ
သူတို့ရဲ့ ရှိတည်မှုတခုနဲ့
သူတို့ရောက်ရှိနေတဲ့
ဧရိယာတွေကို
ပင့်တင်….
သိမ်းပိုက်လိုက်ပါရဲ့

ငါ့ရဲ့အရေပြားတွေလဲ
ဆိုညည်းသံမဲ့
တိတ်ဆိတ်လို့…

မွတ်သိပ်နေတဲ့
“စိတ်ရှည်ခြင်း” ကန်ကြီးလဲ
လျှံကျ…
စီးဆင်း…..

I miss your touch
Poem By Jewel
Translated by
A Chen
11:09 pm
12th November 2009
Home
Bangkok

ကန်စွန်းဥကြိုက်တဲ့ “ကောင်လေး” ရယ်လွမ်းလိုက်တာ

ကန်စွန်းဥကြိုက်တဲ့ “ကောင်လေး” သို့ လွမ်းချင်း

ဘာပုံကြီးလဲဆိုပြီးလန့်သွားကြတာလား မလန့်ပါနဲ့ ကန်စွန်းဥမီးဖုတ်ပုံပါ
ဘာလို့ဒီကန်စွန်းဥမီးဖုတ်မဲမဲကြီး ကိုတခုတ်တရ ပိုစ့်လုပ်တင်ချင်တာလဲလို့မေးရင်တော့
လူနှစ်ယောက် ကို ဒယ်ဒီကေးရှင်းပေးချင်လို့ လို့ဖြေရမှာပါပဲ
ကြာတော့ကြာပါပြီလေ
ကြာတာမှတော့တော့ ကိုကြာလို့ ဘယ်တောင်ရောက်သွားလဲမသိတော့တာပါ
ပထမတယောက်က တီ မဒီမေလို့ခေါ်တဲ့ အရင်က တီ့စာဖတ်ပရိတ်သတ် သမီးလေးပါ
မေဒီဇာ ပါ တခါက တီ့ကို ပြောဖူး(တောင်းဆိုဖူး)ပါတယ် ကန်စွန်းဥ မီးဖုတ်စားချင်တယ်တဲ့ ခုတော့ သူတောင် ဘလောခ်ပိတ်သွားတာကြာပေါ့ ဘာတွေဖြစ်လဲမသိပါဘူး ထားပါတော့
တီတခါကတော့ အချိုပွဲထဲမှာ ပါတဲ့ကန်စွန်းဥ ပြုတ်ပုံလေးတင်ပေးဖူးပါတယ်မယုံရင် တလက်စတည်း ဒီမှာဖတ်ကြည့်ပါ

ဒုတိယတယောက်ကတော့
ကန်စွန်းဥအသေကြိုက်တယ် ဆိုတဲ့ (တခါက အရမ်းချစ်ဖူးတဲ့ ချစ်ဆဲ ချစ်နေမယ့်) ကမ္ဘာတခြမ်း ပင်လယ်ရပ်ခြား ဝေးတမြေက “ကောင်လေး” တယောက်ကိုလဲအရမ်းသတိရမိပြန်ပါတယ်
တလောက ဒေါ်ရီတာကလဲဘာတွေဖြစ်တယ်မသိပါဘူး လွမ်းကဗျာတွေချည်းစွတ်တင်နေတော့တာပဲ သူလဲခံစားချက်တွေ များနေတယ်ထင်သာပ အဲ့တော့ တီလဲ တိုက်ဆိုင်လာတဲ့ အခါ “ကောင်လေး” ကိုသတိရမိပါတယ် အမှန်ကတော့ နေ့တိုင်းနီးပါးသတိရနေတာပါ အမြဲတမ်းလိုလိုကတော့ သတိရနေတဲ့အဆင့်ပါပဲ တခါတခါကျတော့ လွမ်းပါတယ် တခါတခါကျတော့ တကယ့်ကိုသေလောက်အောင်လွမ်းမိတာပါ ဒါပေမယ့်လဲ ကိုယ့်အပြစ်နဲ့ကိုယ်ပဲမို့လား အရင်အချိန်တွေက မိုးလင်းပေါက် ထိုင်စောင့်စကားပြောခဲ့တာတွေလဲတကယ်လွမ်းပါတယ် အချိန်က တော်တော်ကွာတယ်လေ အဲ့တော့ တီ မနက် ၃ ၄ နာရီလောက်အထိစောင့်မှ သူအိမ်ပြန်တဲ့အချိန်နဲ့ကြုံတာပါ (တကယ်က ကောင်လေးလို့သာခေါ်နေတာပါ သူက တီ့ထက်အသက်ကြီးပါတယ် ပြီးတော့ အရမ်းလဲကလေးဆန်ပါတယ်) ဒါပေမယ့် ဘာပဲပြောပြောတီကတော့ ချစ်ပါတယ် ခုတော့လဲ မတိုက်ဆိုင်တော့ (နားလည်မှုလွဲတာပါ)စကားတောင်မပြောဖြစ်ကြတော့ပါဘူး ထားပါတော့ သတိရတာကိုပြောတာပါ။ အရမ်းလွမ်းတယ်ကွယ်
အဲ့တော့ ကောင်လေး အတွက်ကဗျာလေးတပုဒ်လဲရေးပေးချင်ပါတယ် ကဗျာ ဆိုတာ ခံစားချက်ရှိရင် ခဏလေးထွက်လာတာပါ ခံစားချက်မရှိတဲ့အချိန်ဆိုရင်ကျပြန်တော့လဲ ဘယ်လောက်စဉ်းစားစဉ်းစား ဘယ်လောက်ရေးရေး အသက်မပါပါဘူး ရေးရတာလဲခက်ပြန်ပါတယ်

ကန်စွန်းဥကြိုက်တဲ့ “ကောင်လေး” သို့ လွမ်းချင်း

အစ
၂၀၀၉ နှစ်စပိုင်း
အဝေးက ကောင်လေးနဲ့
လျှစ်စီးလိုင်းတွေကနေတဆင့်
ချစ်ကြိုက်…..
Chat

အလယ်
၂၀၀၉နှစ်လယ်ပိုင်း
မှယနေ့တိုင်….

တနင်္လာနေ့
အိပ်ရာထ
မျက်နှာသစ်
ရုံးသွား/ရုံးပြန်
ညစာစား
သတိရ
အိပ်

အင်္ဂါနေ့
အိပ်ရာထ
မျက်နှာသစ်
ရုံးသွား
အစည်းအဝေးတက်
ရုံးပြန်
သတိရ
အိပ်

ဗုဒ္ဓဟူးနေ့
အိပ်ရာထ
မျက်နှာသစ်
ဆေးရုံသွား-သွေးစစ်
ရုံးသွား/ရုံးပြန်
သတိရ
အိပ်

ကြာသပတေးနေ့
အိပ်ရာထ
မျက်နှာသစ်
ရုံးသွား/ရုံးပြန်
ဈေးဝယ်
အိမ်ပြန်
သတိရ
အိပ်

သောကြာနေ့
အိပ်ရာထ
မျက်နှာသစ်
ရုံးသွား/ရုံးပြန်
ရုပ်ရှင်ကြည့်
အိမ်ပြန်
သတိရ
အိပ်

စနေနေ့
အိပ်ရာထ
ဈေးဝယ်ထွက်
ဟင်းချက်
ထမင်းစား
အဝတ်လျှော်
သတိရ
အိပ်

တနင်္ဂနွေနေ့
အိပ်ရာထ
မျက်နှာသစ်
အလည်ထွက်
ဓါတ်ပုံရိုက်
လျှောက်သွား
သတိရ
အိမ်ပြန်
အိပ်

အဆုံး…

ခုတော့ မင်း…
ဘယ်မှာလဲ….
ဘယ်လိုနေသေးလဲ…
ဘာ့ကြောင့်တို့တွေဝေးရတာလဲ
ဘယ်လိုအဆုံးသတ်မှာလဲ….
မသိချင်ပါဘူးလေ….
ဘာပဲပြောပြော
ဘာပဲဖြစ်ခဲ့ဖြစ်ခဲ့
အခုထိတော့
ကနေ့ထက်တိုင်
မင်းကိုစချစ်ခဲ့တဲ့နေ့ကစလို့
ကိုယ့်ဘဝရဲ့ နိစ္စဒူဝ
ကိစ္စတွေမှာ
မင်းကို
“သတိရခြင်း” ဆိုတာ
တိုးလာတာအဖတ်တင်တယ်
မင်းကတော့
တခြားရင်ခွင်မှာ…..လား?
ဘယ်လိုပဲ ဖြစ်ဖြစ်ပါ
ပျော်နိုင်ပါစေ။

A Chen
12th November 2009
10:41 pm
Home
Bangkok

မက်ဟီကို

မက်ဟီကို

မော်နူမန်တို အာကိုလွန်*
လှပတဲ့ မြို့ကလေးတမြို့ပါ
ငါ့ရဲ့ ဘယ်ဘက်က နံရံတခုလား?

ပြေပြစ်တဲ့မျက်နှာကျတွေနဲ့
မျက်ခုံးမျက်လုံး လှပတဲ့လူတွေ
ငါ စီးကရက်သောက်ရင်း
လမ်းပေါ်မှာ လျောက်သွားနေမိတယ်
ငါ့နောက်က တယောက်ယောက်လိုက်လာတာလား?
ကြောက်စရာကြီး
(မက်ဟီကို မသွားခင်က
စဝ်ကယူရတီ နဲ့ ပတ်သက်ပြီး
အများကြီး သတိပေးကြပါတယ်)
လမ်းထဲက လူတယောက်ကလဲ
ငါ့ကိုကြည့်နေလိုက်တာ
သူ့အကြည့်တွေက စိတ္တဇဆန်လိုက်တာ
ငါ့ရဲ့ ညာဘက်က နံရံတွေလား?

သစ်ပင်တွေအများကြီးနဲ့
လမ်းမကျယ်ကြီးတွေ
ရာသီဥတုက
ငါ့ကို ရှန်ဟိုင်းမြို့နဲ့ ဟနွိုင်းမြို့တွေကို
သတိရစေပြန်တယ်
အေးလိုက်တာ…………စိမ့်နေတာပဲ
တုန်ခိုက်ချင်လာသလိုပဲ
ရုတ်တရက်
မိုးကရွာချလာပြန်တယ်
ငါ့အရှေ့မှာ ပိတ်နေတာ နံရံကြီးလေလား?
ဟူး………………………………

ပင်လယ်ရေမျက်နှာပြင်ကနေတော်တော်မြင့်လို့
မြို့ ကငါ့ကိုအသက်ရှူကြပ်စေလိုက်တာ
ဟိုတယ်မှာ လေအေးပေးစက်မလိုဘူး
တက်စီတွေ ဘတ်စ်တွေရောပဲ
ငါ့အနောက်မှာ နံရံတွေလား?

အဆောက်အဦ ထူထူကြီးတွေ
သမိုင်းဝင်ဆန်ဆန်နဲ့ခန့်ညားလို့
ဟောင်းနွမ်းလှပြီ
လူဦးရေသန်း ၂၀တဲ့
ငါနေခဲ့တဲ့မြို့တော်ထက်
၎ဆလောက်များနေပေါ့

နေရာတိုင်းမှာရှိနေတဲ့
မတူညီတဲ့ ထူးဆန်း ပန်းပုရုပ်တုတွေ
ခုံတန်းရှည်တွေနဲ့ ပလက်ဖောင်းကျယ်ကျယ်တွေကို တော့
အတော်လေးသဘောကျမိပြန်တယ်

အဲ့အချိန်မှာပဲ လမ်းထောင့်တနေရာမှာ
လူတယောက်ကိုတွေ့လိုက်တယ်
လက်တချက်ပြရင်းနဲ့ နှုတ်ဆက်လိုက်တယ်
အိုးလာ……(ဟယ်လို)
ဘွယ်နိူဒီယပ်စ်……(ဂွတ်မောနင်း)
အားဒီယိုစ်….(ဂွတ်ဘိုင်)

* (Christopher Columbus အထိမ်းအမှတ် ရုပ်တု
မက်ဟီကို မြို့တော်ကြီးရဲ့ အဓိက မီးပွိုင့်နေရာ အရင်တုံးက အထင်ကရ ရထားဘူတာရုံ နားမှာ ပြင်သစ်လူမျိုး Henri Cordier က ကိုလံဘတ်စ် အထိမ်းအမှတ်နဲ့ ဆောက်ထားခဲ့တဲ့ ရုပ်ထုပါ ရုပ်တု က ရေပြင်ညီမျဉ်းအတိုင်း မြို့ထဲဘက်ကို လက်ညိုးညွှန်နေတဲ့ပုံစံပါ။ ဒီလိုမျိုး ခပ်ဆင်ဆင် မော်နူမန်တို အာကိုလွန် အထိမ်းအမှတ်ရုပ်တုတွေ အယ်လ်မေးနီးယား၊ အာဂျင်တီးနား၊ ဘိုလီးဗီးယား၊ ကိုလံဘီယာ၊ စပိန်၊ ကူးဘား၊ အမေရိက၊ အီတလီ၊ မက္ကစီကို၊ ပေါ်တူဂီ၊ ဗြိတိန်၊ ဒိုမီနီကန်ရီပတ်ပလစ် စတဲ့နိုင်ငံတွေမှာလဲ ရှိပါတယ် ဘာ့ကြောင့် သူ့ကိုအထိမ်းအမှတ်အဖြစ်ထားတာလဲဆိုတာကိုတော့ရှင်းပြစရာလိုမယ်မထင်တော့
ပါဘူးနော် ဒေါ်ရီတာ ပြောလို့ စာနဲနဲရှာဖတ်ပြီးတင်ပေးလိုက်တယ်နော် ဟွန့် ဗဟုသုတ မရဘူးမပြောနဲ့ အမှန်က တီ့စာတွေက ဗဟုသုတထက် “ဘူးဟုသုတ” ပိုများတာပါ အဟေးဟေး)

A Chen
11:38 pm
10th November 2009
Home
Bangkok

မက်ဟီကို နဲ့ တီချမ်းရန်စခြင်း (နှာဗူးမကြီး ကြွားလုံးထုတ်ခြင်း)

ဒေလီယာ သူသူ က မာယာတွေနဲ့ ကမ္ဘာပျက်မယ့်အကြောင်းတွေရေးတော့ တီလဲအရင်တခါတင်ပြီးတဲ့ မက်ဟီကို ဆိုတဲ့ကဗျာ ပိုစ့်ကို သတိရမိပါတယ် တီကအဲ့လိုပဲ ခရီးတွေထွက်ရင်းမရောက်ဘူးတဲ့ မြို့တွေရောက်ရင် ကဗျာလေးတွေရေးလေ့ရှိပါတယ် မြို့အကြောင်းလူတွေအကြောင်း သဘာဝပတ်ဝန်းကျင်အကြောင်းဘာဘာညာညာ စသဖြင့်ပေါ့လေ ခုလဲ မနှစ်က သြဂတ်စ် ကသွားခဲ့တဲ့ အပြည်ပြည်ဆိုင်ရာ အေစ့်ညီလာခံက ကအပြီး မက်ဟီကိုမြို့နဲ့ အနီးပတ်ဝန်းကျင် ကိုသွားလည်ခဲ့ကြပုံတွေ နဲ့ တီရေးထားတဲ့ ကဗျာလေးတင်ပေးလိုက်ပါတယ်နော် အင်္ဂလိပ် ဘာသာနဲ့ပါ လေးဘက်လေးတန်နံရံတွေနဲ့ မွန်းကျပ်နေမယ့် ကိုယ့်ကို မြင်ယောင်ကြည့်ကြပါ

st1:*{behavior:url(#ieooui) }

Mexico CityMonumento a’ colonBeautiful cityIs that the wall on my left???Nice feature, cute peopleI am walking on the street smoking cigarette Is that someone following me?ScaryThere a man in the streetLooking at meSpooky Is that the wall on my right???Wide roadsLots of treesWeather remind me of Shanghai…HanoiCool, cold, shiverSuddenly, it rainIs there a wall in front of me???huuuuuuuuuuuuuuuuuHigh altitude makes me difficult to breatheHotel doesn’t need air conditionTaxi and buses eitherIs that a wall behind me???Thick buildingsHistoricAncient 20 million of population four times of my cityI like the wide platforms with different sculpture and benches

everywherethen you see someone at the street cornerand greet…>>>>

Hola Buenos dias Adio’sA Chen 20th Aug 200812:48 pm

မက်ဟီကို =>>>>> ပင်လယ်ရေမျက်နှာပြင်အထက် မီတာ ၂၂၄၀ ရှိတဲ့ဒီမြို့လေးဟာ အပူချိန်ကျတော့ ၁၆ံစင်ဒီဂရိတ ၆၁ ဒီဂရီ ဖာရင်ဟိုက် ပဲရှိတာပါ ပင်လယ်ရေမျက်နှာပြင်အထက် မီတာ ၂၀၀၀ ကျော်မြင့်တဲ့အတွက် ကိုယ်တို့ရှူနေကျ အောက်စီဂျင် ထက် နည်းတဲ့ အောက်စီဂျင်ပဲရှိတာပါ (သူ့ရဲ့လေထုကလေ) အဲ့တာကြောင့် အသက်ရှူရတာ နည်းနည်းပိုခက်တာပေါ့ အရက်သောက်ထားရင် လွယ်လွယ်လေးနဲ့မူးတယ်တဲ့ ဦးမွန်ကိုတောင် သတိရမိသေးတော့ လူဦးရေကတော့ သန်း ၂၀ နီးပါးရှိတဲ့ ကမ္ဘာပေါ်က တိုကျို နဲ့ နယူးယောက်ပြီးရင် တတိယ လူဦးရေ အထူထပ်ဆုံးမြို့ပါ

(တီ့ စာဖတ်ပရိတ်သတ်တွေထဲမှာ ဒေါ်ရီတာ တို့လို့ အီး အဖတ်ပျင်းတဲ့သူတွေလဲပါတော့လေ၊ အမှန်က အဲ့မိန်းမ အကြောင်းပြတာပါ တခြားကမ္ဘာ ဂန္တဝင် အီးကဗျာတွေတော့ သူဖတ်ပြီးတင်နေသားပဲ တီက ကမ္ဘာမကျော်လို့နေမှာပေါ့အေနော့ ထားတော့ ထားတော့ နောင်ကမ္ဘာကျော်လာလို့ လက်မှတ်လာထိုးခိုင်းရင် ချေနေလိုက်မယ် အဲ့မိန်းမ ကိုဟွန့်) အမှန်ကတော့ ပုံတွေ ရှိသေးတယ် အများကြီးတင်ရင် အပြောခံရမှာ စိုးလို့လေ တော်ကြာ နှာဗူးမကြီးမှသည် အရှက်မရှိကောင်ကြီး ဖြစ်နေအုံးမယ် သူများမပြောခင် ကိုယ့်ဘာကိုယ်ပြန်ပြောထားတာ ခုတလောက တီ့ဘလောခ် ကိုအချိန်တိုင်း နာရီမိနစ် စက္ကန့်မလပ် စောင့်ကြည့်သူတွေရှိနေတယ်လေ

(အဟေးဟေး ဘယ်သူမှမပြောခင် ကြိုပြောထားတာ အော် ပြီးတော့ တီ့ပုံတွေ ကို ခိုးမယူရဘူးနော် ခွင့်တောင်းပါ အဟိ တော်ကြာ တီ့ ကို ကြိတ်ကြိုက်နေတဲ့ ကိုကိုတုတ်ကြီး တွေ့ရင် လာခိုးယူနေမှာ စိုးလို့ ။ ဗီဒိုထဲက ထွက်ခဲ့ပါတော့ (come out off the closet) ကိုကိုတုတ်ရယ် အခြောက်တွေ မိန်းမ တွေတောင်မှ နာမည်အရင်းတွေနဲ့ကိုယ်ရေးချင်ရာ ကိုယ်ယုံကြည်ရာ ကို ရဲရဲရေးနေတဲ့ခေတ်ကြီးမှာ တို့တွေလောက်မှ သတ္တိမရှိရင်လဲ ထမိန်သာဝတ်ထားလိုက်တော့အေ သူသူ့ ပိုစ့်မှာတွေ့တယ် ဟုတ် မိန်းမတွေ ကမ္ဘာ ကိုစိုးမိုးလာတော့မှာ အဲ့တော့ ရှင်လဲ အချိန်မကုန်ခင် မြန်မြန် လိင်ပြောင်းလိုက်တော့ (ရှင်လုပ်ချင်နေတာ သိပါတယ်အေ့) ၂၀၁၂ နော် နီးနေပြီ) (အဟေးဟေး အခြောက်တွေကို စရာတကယ်ပျော်ဖို့ကောင်းတာပဲ )

ကဲကဲ သူ့ရန်စနေရတာနဲ့ …………………………..

ပိုစ့် ပြန်ဆက်မယ်

ဒီပုံက basilica de guadalupe ဘုရားကျောင်း မှာ ရှိတဲ့ သူသူပြောတဲ့ မာယာ ပြက္ခဒိန် ပါ

အဲ့ဘုရားကျောင်းက ဘာနဲ့တူလဲဆိုတော့ ရွှေတိဂုံဘုရားလိုမျိုးပါ (ခရစ်ရှန် နဲ့ ဗုဒ္ဓ ဘာသာ ကိုနှိုင်းယှဉ်ပြတာမဟုတ်ပါဘူး) ပြောချင်တာက မက်ဟီကို လူမျိုးတွေ အကုန်က တီ့ တို့ မြန်မာတွေလိုပဲ ရွှေတိဂုံ ကို အမြို့မြို့ အနယ်နယ် ကနေ လာဖူးကြသလိုပဲ အဲ့ဒီ basilica de guadalupe ဘုရားရှိခိုးကျောင်းကိုလဲ ညအိပ်ညနေ စောင့်ပြီးတော့ ကို လာဖူးကြပါတယ် အထူးသဖြင့် ရက်ထူးရက်မြတ်တွေမှာ ဆို တကယ်ကိုပဲစောင့်အိပ်ပြီး တံခါးဖွင့်တဲ့ အထိ ကွင်းပြင်(ရင်ပြင်ထဲမှာ) ညလုံးပေါက် စောင် ခေါင်းအုံး မီးဖို ထမင်းချိုင့်စတာတွေနဲ့ မိသားစု လိုက်လာစောင့်ဖူးကြတာပါ။

ဘုရားကျောင်းထဲမှာ ကောင်းကင်တော် ကဥယျာဉ်ပုံ ကိုလုပ်ထားတာ နောက်ပြီးတော့ ပုပ်ရဟန်းမင်းကြီး ပုံရုပ်ထု နတ်တမန်တော်တွေ စတာတွေကို ထုလုပ်ထားတာ အများကြီးရှိပါတယ်



နောက်ပြီးတော့ လဲ black Jesus and Mary ရုပ်တုတွေလဲရှိပါတယ် ကိုယ်တွေတွေ့နေကျ ရုပ်တုတွေနဲ့ အဓိပ္ပါယ်က မတူဘူးလို့ပြောပါတယ် တီ့လိုအပ်ချက်က သူသူ့လို သေသေချာချာလေ့လာရေးသားဖို့အချိန်မပေးနိုင်တာပါ နောက်များမှပေါ့နော့

ဒီပုံက pope တရားဟောခန်းမ ပါ ကိုယ်လဲဆုတောင်းခဲ့သေးတယ်

အောက်ကပုံတွေကတော့ ဘုရားရှိခိုးကျောင်းကို အမြင်ရှူထောင့်အမျိုးမျိုးက မြင်ရတဲ့ပုံတွေပါ သူက ဝန်းတခုထဲမှာပဲ ဘုရားကျောင်းတွေအများကြီး ရှိနေတာမျိုးလေ ဝန်းကြီးက အကျယ်ကြီးပဲ

လူတွေသောင်းနဲ့ချီလာတာတောင် မပြည့်ဘူး

ဒါက မြို့ထဲကပုံတွေပါ နောက် ပိုင်းမှာထပ်လာပါမယ် နာမည်ကြီးနေရာတွေအကြောင်း

အောက်ကတော့ ကြားဖြတ်ပြီး ပိရမစ်အကြောင်းပြောပါမယ်

ဒါကတော့ ပိရမစ် teotihuacan လို့ခေါ်ပါတယ် မက်ဟီကိုမြို့ကနေ ရထားနဲ့ဖြစ်ဖြစ် ကားနဲ့ ဖြစ်ဖြစ် သွားလို့ရပါတယ် တီတို့ကတော့ အသွားကိုရထားစီးပြီးတော့ အပြန်ကို ဘတ်စ် စီးပါတယ် အစုံပေါ့ ရောက်သွားတော့လဲ ဘာမသိပ်မထူးပါဘူး တီကတော့ စိတ်ထဲ ကမ္ဘောဒီယား က အန်ကော်ဝတ် ကိုတောင်ပိုကြိုက်မိသေး အပေါ်တက်တော့ ကျိုက်ထီးရိုးလိုလဲခံစားချက်ပေးတယ် အမြင့်ကြောင့်ထင်တယ် မြို့ထဲထက်တော့ပိုပူတယ် ထူးဆန်းတာ က ကန္တာရ ပင်အကြီးကြီးတွေရယ် အဲ့အပင်ရဲ့ အသီးတွေကို ရောင်းနေတာပါအခွံခွာလိုက်ရင် ရဲယိုသီးနဲ့တူသလိုလို ကီဝီနဲ့လဲအရသာ ခပ်ဆင်ဆင်ပါ စားလို့ကောင်းပါတယ် အရသာက ချိုချဉ်ပြုံးလေးပါ ဒီမှာကြည့်ပါ

ဒါကတော့ တီရဲ့ ဟိုရိုက်ဒီရိုက်ပေါ့

ဒီပုံက ပိရမစ် ရဲ့အဝေးမြင်ပါ အမြင့်ကြီးပဲ ဒီတခုက အမြင့်ဆုံး မတက်ဘူး မောမယ်ဆိုတာ မြင်ယုံနဲ့သိလို့ သူသူပြောတဲ့ ပြက္ခဒိန်နဲ့ ဆိုင်တာ ဒဓီတခုလို့ထင်တယ် သိပ်တော့မသေချာဘူး တီဘာမှမသိပါဘူးဆိုနော့ ပြောထားတယ်လေ အစကတည်းက အာပတ်လွတ်အောင်

ဒါကတော့ ဘေးတိုက်ပိရမစ်ပုံတွေပါ အဲ့မှာလဲ ခုနက ဘုရားကျောင်းလိုပဲ ကွင်းပြင်အကျယ်ကြီးထဲမှာ ပိရမစ်တွေအများကြီး ဆောက်ထားတာ နောက်တော့ လာအုံးမယ် မြို့ထဲက ကွင်းပြင်ကြီးအကြောင်းအောက်မှာ မာယာတွေနဲ့ ကွင်းပြင်ကတခုခုတော့ တခုခုပဲ ကြည့်ရတာ နေကနေ မီးလုံးတွေကျလာရင် ပြေးစရာနေရာရှိအောင်ထင်တယ် နော့

အဲ…တီနဲနဲနိမ့်တာ တခုတော့တက်ခဲ့တယ် အောက်မှာကြည့်ပုံတွေရှိတယ်

ဒါကတော့အတက်ပါ လှေခါးကလဲအသေမတ်ပါတယ် တန်းရှိလို့တော်တော့တယ်

ဒါကတော့ အပေါ်ရောက်သွားတဲ့ပုံပါ ပြောသားပဲ ဘာမှတယ်မထူးခြားပါဘူးလို့ ကိုယ်တို့ ကျိုက်ထီးရိုးကတောင် သာသေး အရောင်ပြောပါတယ် ဝင်နေတာလေ ရွှေလူမျိုးတွေနဲ့ ရွှေရောင်ပေါ့ မဟပ်ဘူးလား?း=)

ဒါလေးတွေကတော့ အပေါ်က အရန်ရန်အထပ်ထပ် ကြားက ပုံတွေပါ

မလှမှာတော့ မပူရဘူး ကိုယ်က တာရာမင်းဝေ ရဲ့ အရှေ့မြို့ရိုးမှ မိုးရေစက်များထဲက ကခြေသည်မလေး ဂျူနိူ လိုပဲ ဘယ်လိုနေနေလှတဲ့ မိန်းကလေးဆိုတော့ အဟိ

ကဲအများကြီးလဲမသိပါဘူးလို့ပြောထားပြီးသားနော် ပြီးတော့ ပုံတွေ အပ်လုတ်လုပ်နေတာနဲ့တင် အချိန်တော်တော်ကုန်သွားလို့ ရေးမယ်စဉ်းစားထားတာတွေ ခေါင်းထဲကနေ ကြက်ငှက်များကဲ့သို့ ပျောက်ကွယ်ကုန်ပေါ့ အောက်ကပုံတွေကတော့ မက်ဟီကို မြို့ထဲက ပုံတွေပါ ကဗျာထဲကရေးထားသလိုပဲ ခုံတန်းရှည်တွေ တမြို့လုံး ပလက်ဖောင်းကျယ်ကျယ်ပေါ်မှာ အများကြီးရှိပါတယ် တတိယပုံက monumento angel de la independencia ပါ မက်ဟီကန်တွေ ရဲ့ မက်ဟီကို မြို့ အဓိက အကျဆုံးနဲ့ အထင်ကရ အဖြစ်ဆုံး လွတ်လပ်ရေးကျောက်တိုင်ပေါ့

လာပါပြီ ကွက်လပ်နောက်တခု Zo’calo ဇိုကိုလို လို့ခေါ်ပါတယ် သူ့အရှေ့ က လွှတ်တော် city hall ပါ အဲ့နားမှာက အလယ်ကိုကွက်လပ်လုပ်ထားပြီးတော့ ဘေးပတ်ပတ်လည်မှာ သမိုင်းဝင် အဆောက်အဦတွေနဲ့ဝန်းရံထားတာပါ သူသူတို့ဒေါ်ရီတာ တို့လို အာခီတွေ အင်…ဂျင်နီယာတွေဆိုရင်တော့ တော်တော်လေ့လာလို့ကောင်းမယ် မြို့ပါ ကိုယ်လို နလပိန်းတုံးအတွက်ကတော့ အင်း…………………မက်ဟီကို ကကောင်လေးတွေက ချောတယ်ကွယ် ခက်တာက ဝ နေကြတာပဲ မျက်လုံးမျက်ခုံးလေးတွေကလှကလှနဲ့ ကိုယ်လုံးတွေကလုံးနေတာခက်တယ် ကိုယ်က ဝတာမကြိုက်….း=(

အဲ့ဒီကွက်လပ်က ရုရှားက ကွက်လပ်ပြီးရင် ကမ္ဘာမှာ ဒုတိယအကြီးဆုံးလို့ပြောပါတယ် ရုပ်ရှင်ထဲကအတိုင်းပဲနော်

ဒီပုံတွေက အနားမှာရှိတဲ့ Majestic Hotel ရဲ့ ၇ ထပ်ကကော်ဖီဆိုင်ကနေ panoramic view ရိုက်ထားတာပါ။

ဒါကတော့ မြို့လယ်ကွက်လပ်က ဘုရားကျောင်းပါ အနောက်နိုင်ငံတွေကလဲ သူတို့ဘာသာနဲ့သူတို့တော့ တော်တော်လေးကို ယုံကြည်သက်ဝင်ကြတာတွေ့ရပါတယ် ဖရီးသင်ကာတွေများတယ်ဆိုပေမယ့်လဲ ရီလေးဂျီးယပ်စ် တွေလဲများတော့မျှနေပုံရပါတယ် ဒီဘုရားကျောင်းက နှစ် ၅၀၀ ကျော်ပြီလို့ပြောပါတယ် အမိုးပေါ်အထိတက်လို့ရပါတယ် ပြင်နေတာတွေလဲတွေ့ရပါတယ် ထိန်းသိမ်းထားတဲ့သဘောထင်ပါတယ် အဟောင်းတွေကိုဖျက်ပြီး ထိန်းသိမ်းတယ်ဆိုတာ ကိုယ့်စိတ်ထဲတော့တမျိုးပဲ အင်းလေ ဒါကလဲ သမိုင်း ကိုထိန်းသိမ်းတဲ့လူတွေပိုသိမှာပါ အောက်က အလံနောက်က အဆောက်အဦ ကခုနကပြောတဲ့ လွှတ်တော်ပါ မိုက်တယ်နော်

ဂျက်ကီချန်းကိုတောင်ကွက်လပ်ထဲလျောက်ပြေးပြီးနောက်ကနေ ရုရှားသေနတ် သမားတွေက လိုက်သတ်နေပုံမျက်လုံးထဲမြင်ယောင်လာသလိုပဲ

ဒါကတော့ တီမြို့ထဲမှာ လျောက်သွားရင်းရိုက်ထားတာတွေပါ

ကဲတော်ပြီ အိပ်တော့မယ်

အရေမရ အဖတ်မရတွေလဲရေးပြီးသွားပြီ

တီချမ်း ဟင်းပဲချက်တာကောင်ပါတယ်နော် လျောက်လုပ်နေတယ်

12:05 am

10th November 1981

Home

Bangkok

Thailand

လူ၊ မှန်၊ နံရံ၊ ပါးစပ် နဲ့ နားများ

လူ၊ မှန်၊ နံရံ၊ ပါးစပ် နဲ့ နားများ

လူတွေမှာ ပါးစပ်တွေရှိတယ်
မှန်တွေမှာ အရိပ်တွေရှိတယ်
နံရံတွေမှာ ပါးတွေရှိတယ်

လူတွေက ငါ့အကြောင်းပြောတယ်
“အတင်း” ပေါ့

မှန်တွေက ငါ့ကိုယ်ငါ ပြန်မြင်စေတယ်
ပုံရိပ်ယောင်ပေါ့

(ဒါပေမယ့် ပြောင်းပြန်ကြီး
အဲ့တာကြောင့်
ထိတ်စီးနဲ့ နောက်ပိတ်လွဲနေသလိုခံစားရတယ်)

နံရံတွေ က လူတွေပြောတာ ကို ပဲ့တင်ထပ်ပေးတယ်
အက်ခိုးပေါ့

ငါ့မှာလဲ နားတွေရှိတယ်
နားတွေလို့ပြောတဲ့အတွက်ကြောင့်
ပလူရယ် အများဖြစ်တယ်

နားတွေရှိတဲ့အတွက်ကြောင့် လူတွေပြောတာကြားတယ်
နောက်နားတဖက်ရှိနေတဲ့အတွက်ကြောင့်လဲ
ကြားထားတာတွေပြန်ပြန်ထွက်သွားတယ်
အဲ့တာမှ အားမရသေးရင်
ငါ့မှာ ငါကြားတာတွေ ကိုပြန်ပြောပြစ်လိုက်ဖို့
ပါးစပ်တပေါက်ရှိသေးတယ်
လိုတိုးပိုလျော့ လုပ်ပေးဖို့ ဦးနှောက် တစုံလဲရှိသေးတယ်
“တန်ပြန်အတင်း” ပေါ့
ကဲ ဘာလိုသေးလဲ
လာလေ
မိုက်ရင် ချမလား???

(ဝန်ခံချက်။ ။
မိညီမ ၏ ကျမနှင့် ကျမ၏အခြားတစ်ဖက်
ကိုဖတ်၍ ဤကဗျာ ကိုရေးဖြစ်သည်။)

A Chen
6th November 2009
3:21 am
Home
Bkk, Thailand